BolgeXeber.Com » Bölgə » Tərtərdə məktəblər bazara çevrilib

Tərtərdə məktəblər bazara çevrilib

19-12-2012, 08:40

Oxunub: 3 568

Təhsil şöbəsinin müdiri Aydın Qarayev müəllim və şagirdlərdən «haqq» yığır

Təhsil sektorunda vəziyyətin acınacaqlı vəziyyət olduğu məlumdur. Hətta bu məsələ təhsil naziri tərəfindən də etiraf edilib. Dünən isə nazir valideynlərə müraciət edərək, onlardan müəllimlərə pul verməmələrini istəyib.
Amma nazirin nə deməsindən asılı olmayaraq, Tərtər təhsilində bazar hökm sürür. Bolgexeber.com-a verilən məlumata görə, rayonun təhsil şöbəsinin müdiri Aydın Qarayev Tərtərdəki məktəblərdə təhsilin səviyyəsi ilə deyil, onların nə qədər gəlir gətirəcəyi ilə maraqlanır. Elə buna görədir ki, rayonda həm müəllimlərdən, həm də şagirdlərdən müxtəlif adlar altında pullar yığılır.
Məlumatda vurğulanır ki, Aydın Qarayev bütün məktəb direktorlarına tapşırıb ki, hər ay bəlli məbləğdə pul toplayıb ona versinlər. Bu pulların miqdarı isə məktəblərdə təhsil alan şagirdlərin sayına bağlıdır. Yəni, az şagirdi olanlardan az miqdarda, çox şagirdi olanlardan isə çox miqdarda pul alınır. Qarayev isə bu yığımın özü içi üçün olmadığını dilə gətirir. Onun iddiasına görə, həmin pulların bir qismi Təhsil Nazirliyinə, bir qismi də Tərtərin icra başçısına çatır.

Çox Oxunanlar