BolgeXeber.Com » Bölgə » Bərdədə gənc ifaçıların respublika müsabiqəsinin 1-ci turu keçirilib-FOTO

Bərdədə gənc ifaçıların respublika müsabiqəsinin 1-ci turu keçirilib-FOTO

16-04-2018, 09:56

Oxunub: 5 708 Bərdədə gənc ifaçıların respublika müsabiqəsinin 1-ci turu keçirilib-FOTO

Bərdə Regional Mədəniyyət və Turizm idarəsi Qara Qarayevin 100 illiyinə həsr olunmuş simli, nəfəsli və zərb alətləti üzrə gənc ifaçıların respublika müsabiqəsinin 1-ci turunu təşkil edib

Bərdə Regional Mədəniyyət və Turizm idarəsinin tabeliyində olan Bərdə rayon 1 nömrəli uşaq incəsənət məktəbində baş tutan müsabiqədə 3 yaş kateqoriyası üzrə (9-11 yaş, 12-14 yaş, 15-17 yaş) iştirakçılar yarışıb. Müsabiqədə regional idarənin tabeliyində olan Bərdə, Tərtər rayon, Yevlax, Mingəçevir şəhər uşaq incəsənət və musiqi məktəblərinin şagirdləri iştirak ediblər.

Müsabiqəni giriş sözü ilə regional idarənin aparıcı-mütəxəssisi Orxan İbrahimov açaraq tədbir iştirakçılarını müsabiqənin şərtləri ilə yaxından tanış edib.

Daha sonra müsabiqəyə start verilib və müsabiqə iştirakçılarının çıxışları münsiflər heyəti tərəfindən 10 ballıq sistemlə qiymətləndirilib.

Müsabiqə iştirakçılarından 9-11 yaş kateqoriyası üzrə Şəhid F. Quliyev adına Bərdə şəhər 2 nömrəli uşaq musiqi məktəbinin 1-ci sinif şagirdi Büsat Yusifzadə Yusif oğlu və Bərdə şəhər 1 saylı uşaq incəsənət məktəbinin 3-cü sinif şagirdi Novruzzadə Nərmin Etibar qızı, 12-14 yaş kateqoriyası üzrə Bərdə şəhər 4 nömrəli uşaq incəsənət məktəbinin 5-ci sinif şagirdi Əsgərov Ayxan İdris oğlu və 15-17 yaş kateqoriyası üzrə Mingəçevir şəhər Bülbül adına uşaq musiqi məktəbinin 5-ci sinif şagirdi Abdullayev Kamil Kənan oğlu müsabiqənin Bakı şəhərində keçiriləcək 2-ci turunda iştirak etmək hüququ qazanıblar.

Sonda regional idarənin rəisi İlyas Hacıyev müsabiqədə uğur qazanmış yarışmaçılara tövsiyyələrini çatdıraraq onlara uğurlar arzulayıb. O, həmçinin, onu da qeyd edib ki, dahi bəstəkar Qara Qarayevin zəngin mədəni irsi bu gün yetişməkdə olan gənc nəslə əsl məktəb və zəngin xəzinədir.

Qeyd edək ki, müsabiqənin 2-ci turu 1-5 may tarixlərində Bakı şəhərində keçiriləcəkdir.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]