Bizimlə əlaqə | Reklam
BolgeXeber.Com » Bölgə » Füzulidə şıdırğı torpaq alveri

Füzulidə şıdırğı torpaq alveri

28-02-2013, 10:15
Oxunub: 3 969 Torpaq Şöbəsinin rəhbərliyi hər hektar sahəni 150-200 manata icarəyə verir

«Füzuli rayon Torpaq Şöbəsinin müdiri və mütəxəssisi vəzifə səlahiyyətlərini aşmaq və rüşvətxorluqala məşğuldurlar». Bunu «Elgün» Kəndli Fermer Təsərrüfüfatının rəhbəri bildirib.
O deyib ki, hal hazırda fermer təsərrüfatının istifadəsində olan torpaqlara rəy verərək, onları başqalarına icarəyə verməyə çalışırlar. Artıq bununla bağlı dəfələrlə narazılığın yarandığını bildirən direktor qeyd edir ki, Füzuli rayon Torpaq şöbəsinin rəhbərliyi bu əməliyyata görə, icarə istəyənlərdən pul alır.
Onun iddiasına görə, hər hektar üçün istənilən məbləğ 150-200 manatdır.
«Elgün»nün rəhbəri bildirir ki, onların istifadəsində olan torpaq sahələrinin başqalarına icarəyə verilməsi qanunla mümkün deyil. Bununla bağlı torpaq şöbəsinin rəhbərliyi ilə danışan fermerin direktoru deyir ki, onlar da bunu təsdiq edirlər. «Amma tamahın üstün gəlməsi onları başqa şəkildə davranmağa məcbur edir. Çünki qanunla bizim adımıza olan torpaq sahələrini pul müqabilində başqalarına verirlər ki, bu da dövlət qanunlarının tapdanması deməkdir».
O, sonda Dövlət Torpaq və Xəritəçəkmə Komitəsinin sədri Qərib Məmmədova müraciət edərək, ondan problemin həllinə yardımçı olmasını istəyib.
Tia.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]