Bizimlə əlaqə | Reklam
BolgeXeber.Com » Bölgə » Öcalanın məktubu meydana 1 milyon adam topladı

Öcalanın məktubu meydana 1 milyon adam topladı

22-03-2013, 09:55
Oxunub: 4 936 Türkiyədə PKK lideri Abdullah Öcalanın İmralı həbsxanasından göndərdiyi məktubda yazılanları dinləmək üçün 1 milyondan çox kürd Diyarbəkirin mərkəzi meydanına toplaşıb. Türkiyə KİV-ləri xəbər verir ki, Öcalan məktubunu kürd partiyası BDP-dən olan millət vəkilləri vasitəsilə göndərib. Həmin məktubda kürd məsələsinin həllinə dair Öcalan tərəfindən hazırlanmış yol xəritəsinin əksini tapdığı bildirilir. PKK liderinin yol xəritəsi ilə kürdləri tanış etmək üçün BDP Diyarbəkirdə görünməmiş miqyasda Novruz toplantısı təşkil edib.
Qeyd edək, Türkiyə hökuməti ilə Öcalan arasında neçə vaxtdır danışıqlar gedir, baş nazir Ərdoğan müxalifətin sərt etirazlarına baxmayaraq PKK lideri ilə hökumət arasında birbaşa danışıqların keçirilməsinə göstəriş verib. Hökumət PKK-çılara vəd edir ki, silahlı mübarizənin dayandırılmasının əvəzində onların Türkiyəni tərk etməsinə icazə veriləcək. Həmçinin həbsxanalardakı PKK-çıların böyük qismi aministiya nəticəsində azadlığa çıxacaq. Hökumət ölkənin yeni Konstitusiuyasında kürdlərə daha geniş hüquqlar verilməsini də vəd edir.
Diyarbəkirdəki toplantının təhlükəsizliyini təmin etmək üçün 5 mindən çox BDB üzvü səfərbər olunub. 500-dən çox jurnalist toplantı meydanında gözləyir, telekanallar toplantını canlı yayımlayacaqlar. Toplantının keçirildiyi meydanda Öcalanın çoxlu sayda portretləri gözə dəyir, lakin bir dənə də olsun Türkiyə bayrağı meydanda yoxdur (musavat.com).
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]