Balakəndə qanlı olay
4-04-2011, 14:40
Oxunub: 7 943
Rayon sakini 2 nəfəri avtomatla güllələdi
Balakən rayonunda silahlı insident baş verib. Bu barədə Balakən rayon Polis Şöbəsindən Bolgexeber.com-a məlumat verilib. Məlumatda bildirilir ki, hadisə aprelin 2-də saat 22.00 radələrində rayonun Şambul kəndində qeydə alınıb.
1955-ci il təvəllüdlü, rayonun Şambul kənd sakini Qədirov Məhəmməd Əli oğlu sərxoş vəziyyətdə həmkəndlisi Bazarova Narzanət Məhəmməd qızının yaşadığı evə gələrək, onunla şəxsi münaqişə zəminində mübahisə etməyə başlayıb. Mübahisə zamanı Narzanət Bazarovanın oğlu 1985-ci il təvəllüdlü Mollayev Murad Ramazan oğlu və qonşusu 1986-cı il təvəllüdlü Amalov Şaban Zeynalabid oğlu da onun yanında olub. Narzanət Bazarova ilə aralarında olan şəxsi münasibətlərə aydınlıq gətirmək istəyən Məhəmməd Qədirov onun oğlu Murad Mollayevə və qonşusu Şaban Amalova üzərində olan avtomat “Kalaşnikov” silahı ilə hədə-qorxu gəlib.
M. Mollayev və Ş. Amalov qorxuya düşüb qaçmaq istəyən zaman M. Qədirov əlindəki avtomat silahdan onların arxasınca atəş açıb. Avtomat silahından açılmış atəş nəticəsində Ş. Amalov qarın, M. Mollayev isə topuğundan güllə yarası alınıb. Yaralılar Balakən Mərkəzi Rayon Xəstəxanasına yerləşdiriliblər. Hazırda onların durumunun orta-ağır olduğu bildirilib. Balakən rayon Polis Şöbəsi əməkdaşlarının keçirdikləri əməliyyat axtarış tədbirləri zamanı hadisəni törədən M. Qədirov tutularaq istintaqa təhvil edilib.
Balakən rayon Polis Şöbəsindən bildirilib ki,
hadisəni törədən M. Qədorov bir neçə il əvvəl N. Bazarova ilə qeyri-rəsmi nikahda olub. Faktla bağlı Balakən rayon Prokurorluğunda cinayət işi başlayıb, araşdırma aparılır.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
