Bizimlə əlaqə | Reklam
BolgeXeber.Com » Bölgə » Qubanın icra başçısını kim döydürüb?

Qubanın icra başçısını kim döydürüb?

4-04-2013, 09:35
Oxunub: 7 012 Qubadakı “ayaq yanığının” gerçək səbəbi üzə çıxdı
Ziya Məmmədovun adamları “yanan-yıxılan” Mübariz Ağayevi bərk cəzalandırıb; 5 milyon manatın söhbətini eləyən RİH başçısı ağır xəsarətlər aldığı üçün işə də çıxmır

Quba Rayon İcra Hakimiyyətinin (RİH) başçısı Mübariz Ağayevin bir neçə gündür işə çıxmamasının şok səbəbləri varmış. Başçının işə çıxmaması ilə bağlı üç gün əvvəl yayılan xəbərlərdə səbəb kimi M.Ağayevin səhhətindəki problemlər göstərilirdi.
Lakin məsələ tamamilə fərqlidir. “Yeni Müsavat”a daxil olan məlumatda deyilir ki, icra başçısının üzündəki xəsarət izləri onun döyülməsi ilə bağlıdır.
Qaynağımızın iddiasına görə, M.Ağayev şimal bölgəsinin, o cümlədən Qubanın qeyri-rəsmi qubernatoru olan nəqliyyat naziri Ziya Məmmədovla görüşdən sonra bu vəziyyətdə görünüb: “İcra başçısının nə ayağı yanıb, nə də yıxılıb. Mübariz Ağayev öz patronu, onu bu vəzifəyə təyin etdirən şəxs, yəni Ziya Məmmədovun adamları tərəfindən döyülüb. Sir-sifəti acınacaqlı gündədir, ona görə adam arasına çıxa bilmir. Buna görə də Mübariz Ağayevin ayağının yanması şayiəsi buraxılıb”.
Qaynağımız qeyd edib ki, Z.Məmmədovun çətiri altında olan şəxsə qarşı bu dərəcədə amansız münasibəti səbəbsiz deyil: “Prezidentin Qubaya səfəri planlaşdırılıb. Bununla əlaqədar səfər ərəfəsində rayona baş çəkən Ziya Məmmədov şəhərin bərbad, yolların biabırçı durumda olduğunu görüb. Bunu Mübariz Ağayevə irad tutan Ziya Məmmədov gözləmədiyi halda kəskin reaksiya ilə üzləşib. ”Abadlaşdırma işlərinə 5 milyon manatı cibimdən xərcləmişəm, bunu km verəcək" - cavabı ilə qarşılaşan Ziya Məmmədov Mübariz Ağayevə əl qaldırıb. Sonra isə adamları başçını möhkəm döyüb".
Qeyd edək ki, saytlar M.Ağayevin yanması xəbərini dəqiqləşdirmək üçün Quba Rayon İcra Hakimiyyəti ilə əlaqə saxlayıblar. Quba RİH ictimai-siyasi və humanitar məsələlər üzrə şöbənin baş məsləhətçisi Tariyel İbrahimov bu barədə məlumatı olmadığını və məsələ ilə bağlı dəqiqləşdirmə apardıqdan sonra məlumat verəcəyini söyləsə də sonradan hər hansı konkret cavab verməyib.
Lakin bir müddət keçdikdən sonra RİH başçısının müavini Yusif Abidov aznews.az saytı ilə əlaqə saxlayaraq informasiyanın mənbəyi ilə maraqlanıb. Hədələyici ifadələrlə danışan müavin sayta hər hansı açıqlama vermək əvəzinə xəbərin haradan sızdığını öyrənməyə çalışıb. Y.Abidov ona ünvanlanan suala isə çox qısa cavab verməklə kifayətlənib: “Nə olar ki?! Adamın ayağı sürüşüb yıxılar da. Burada nə var ki?!”
Sonda qeyd edək ki, Mübariz Ağayev icra başçıları arasında mətbuatla əlaqədən çəkinməyən azsaylı məmurlardan sayılır. Məsələ ilə bağlı M.Ağayevin də mövqeyini dərc etməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]