Bərdədə polislə yerli sakinlər arasında dava düşüb
17-04-2011, 13:25
Oxunub: 6 382
Hadisə nəticəsində bir nəfərin ağır yaralandığı bildirilir
Dünən axşam saat 23:54 radələrində Bərdə rayonu “Təzə məhəllə” adlanan ərazidə, Şah İsmayıl Xətai küçəsi, 103 ünvanında polislə yerli sakinlər arasında dava düşüb. Rayon polis şöbəsinin sahə rəisi İldırım Əsədovun verdiyi məlumata görə, rayon sakinləri - 1982-ci il təvəllüdlü Teymur Zülfüqarov və 1986-cı il təvəllüdlü Faiq Nuriyev sərxoş vəziyyətdə ictimai asayişi pozublar.
“Hər iki vətəndaş içkili olub, dava salmağa başlayıblar. Polislər onlara mane olarkən, qanun keşikçilərini də təhqir ediblər. Ətrafdakı obyektlərin şüşələrini sındırıblar. Polislərə hücum çəkiblər. Əməkdaşlarımız da onları saxlayıb və şöbəyə gətirib", - deyə sahə rəisi bildirib.
İldırım Əsədovun sözlərinə görə, saxlanılan şəxslərlə bağlı Azərbaycan Respublikası Cinayət Məcəlləsinin 296-cı maddəsi üzrə protokol tərtib olunub. Onun sözlərinə görə, xuliqanlıq etdikləri üçün həmin şəxslər barəsində inzibati tədbir görüləcək.
Lakin saxlanılan Teymur Zülfüqarovun bacısı Ruhiyyə Zülfüqarova açıqlamasında deyilənlərin həqiqətə uyğun olmadığını bildirib.
“Qardaşım və onun uşaqlıq dostu Faiq indiyə qədər heç bir pis əməl etməyiblər. Dünən ad günündə olublar. Bir az içki qəbul ediblər. Sonra çıxıblar ki, siqaret alsınlar. Yolda bir-biri ilə zarafat etməyə başlayıblar. Polislər də onları tutub. Sonra hər ikisini döyüblər. 2 nəfəri 8 polis əməkdaşı döyüb. Qardaşımın vəziyyəti lap pisdir”, - deyə Ruhiyyə Zülfüqarova qeyd edib.
Qeyd edək ki, İldırım Əsədov saxlanılan şəxslərin polis tərəfindən döyülmə faktını təsdiq etmədi.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
