Bizimlə əlaqə | Reklam
BolgeXeber.Com » Bölgə » Hansı icra başçısını hansı aqibət gözləyir?

Hansı icra başçısını hansı aqibət gözləyir?

2-05-2013, 09:30
Oxunub: 5 846 Daha bir neçə rayonunun icra başçısının vəzifəsindən azad ediləcəyi gözlənilir. Bu barədə Nazirlər Kabinetindəki mötəbər mənbələrdən daxil olan informasiyalardan aydın olur ki, nəzərdə tutulan dəyişikliklər əsasən respublikanın iri şəhərlərində baş tutacaq.

Mənbənin söylədikləri: «Gəncənin icra başçısı Elmar Vəliyev vəzifəsindən alınaraq Şirvan şəhərinə göndəriləcək. Şirvanın icra başçısını tutan Mərdan Camalov isə Bakı şəhər icra hakimiyyətinin başçısı Hacıbala Abutalıbovu əvəzləyəcək. Gəncəyə isə sabiq millət vəkillərindən birinin icra başçısı təyin edilməsi gözlənilir».

Daxil olan məlumata görə, paytaxt Bakının da bir sıra rayonlarının icra başçılarının vəzifələrindən azad edilməsi gözlənilir: «Seçkilərə qədər Xətai, Nəsimi və Nizami rayonlarının icra başçıları vəzifəlirini itirəcək. Onlardan yalnız Xətai rayonunun icra başçısı Razim Məmmədov vəzifəsiz qalacaq, digərlərinin yeni postlara təyinatı gözlənilir».

Xatırladaq ki, Şəmkir və Xaçmaz rayon icra hakimiyyəti başçılarının da vəzifələrindən alınması planlaşdırılır və bu haqda yerli KİV-də də məlumatlar yayılıb.

Məlumatı verən qaynaq Dia.az -a təhlükəli xəttdə olan icra başçılarının da olduğunu bildirib: «Xətai rayonunun icra hakimiyyətinin başçısı Razim Məmmədovun adı cinayət işində hallandırılır. Eyni zamanda Goranboy rayonunun icra hakimiyyətinin başçısı Nizaməddin Quliyev də istintaq orqanlarının hədəfi ola bilər. Daha sonra isə adı qalmaqallı inayət işində hallandırılan, çevrəsində məhkəmə olayları cərəyan edən icra başçıları da var ki, onlardan biri Qaradağın rəhbəri Süleyman Mikayılovdur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]