Bizimlə əlaqə | Reklam
BolgeXeber.Com » Bölgə » Azərbaycanda külək avtobusu aşırdı, ölən və yaralananlar var

Azərbaycanda külək avtobusu aşırdı, ölən və yaralananlar var

22-04-2011, 12:55
Oxunub: 7 323
Hadisə Hacıqabul rayonunda baş verib

Azərbaycanın Hacıqabul rayonunda bir nəfərin ölümü, bir neçə nəfərin yaralanması ilə nəticələnən yol-nəqliyyat hadisəsi baş verib. Bolgexeber.com-un hadisə yerində olan bölgə müxbirinin məlumatına görə, hadisə bu gün 10.20 radələrində Pirsaat qəsəbəsi yaxınlığında baş verib.

Heydər Əliyev adına Dərin Özüllər Zavoduna məxsus “Hyundai” markalı iri tutumlu sərnişin avtobusu saatda 70-80 km/s sürətlə hərəkət edərkən sürücünün idarəetməni itirməsi nəticəsində yoldan çıxaraq aşıb. Nəticədə sərnişinlərdən biri elə hadisə yerində ölüb. Zavodun bir neçə nəfər işçisi isə müxtəlif dərəcəli xəsarətlər alaraq təcili yardım maşınları ilə Şirvan və Hacıqabul rayon xəstəxanalarına aparılıb. Yüngül xəsarət alan sürücü isə ifadə vermək üçün rayon polis şöbəsinə dəvət olunub.

İlkin ehtimala görə, hadisəyə səbəb əsən güclü külək olub.

Aldığımız son məlumata görə, avtobusda ümumilikdə 35 nəfər sərnişin olub. Ölən şəxsin sərnişin, 50 yaşlı Pakizər Piri qızı Əliyeva olduğu müəyənləşdirilib. Yaralananların sayı isə 7-dir. Onlar Şirvan və Hacıqabul rayon xəstəxanalarına aparılıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]