Bizimlə əlaqə | Reklam
BolgeXeber.Com » Bölgə » Ağdaşda icra hakimiyyəti veteranların puluna da göz dikib

Ağdaşda icra hakimiyyəti veteranların puluna da göz dikib

10-05-2013, 11:20
Oxunub: 5 328 Ağdaşdan gələn şikayət məktubu ilginc faktı ortaya çıxardı

Redaksiyamıza Ağdaş rayonu sakini adından müraciət daxil olub. Müraciət müəllifi bildirir ki, onun babası 2-ci Dünya Müharibəsinin iştirakçısı olsa da, dövlətin müəyyən etdiyi qayğılardan doğru-dürüst yararlana bilmir. Və dünən 9 May günü qeyd olunan zaman da məhz Ağdaş rayonunun yerli icra hakimiyyətinin anlaşılmaz münasibəti səbəbindən narazı düşən Ağdaş sakininin babası hansısa formada mükafatlandırılmayıb.

Ağdaş sakini adının çəkilməməsi xahişilə dia.az-a yazır: «Prezidentin müvafiq qərarına əsasən müharibə veteranlarına 700 manatlıq birdəfəlik pul yardımı ayrılsa da, mənim babam həmin pulun yalnız bir hissəsini - 400 manatı ala bildi. Bununla bağlı icra hakimiyyətinə müraciət etdik. Onlar isə bildirdilər ki, «yuxarıdan» heç bir pul vəsaiti ayrılmadığından yerli icra hakimiyyəti öz hesabına pul ödəyir. Əgər pul ayrılarsa, o zaman yerdə qalan hissə də veriləcək».

Ağdaş sakini bildirir ki, buna qədər də müharibə veteranlarına maşın v verilsə də, onun babasından maşının müqabilində 2000 manat rüşvət istənilib: «Babamın səhhətində ciddi problemlər var. Onun özünün dəstəyə ehtiyacı olan halda, biz 2000 manatı hardan alıb verək?».

Onu da bildirək ki, Dia.az-a hökumət içindəki qaynaqlar da veteranlar üçün ayrılan 700 manatlıq birdəfəlik yardımın ünvanlarına çatmadığını təsdiqləməklə yanaşı, redaksiyamıza bildirildi ki, həmin pul vəsaitləri yerli icra orqanları tərəfindən ödənilməlidir: «Yəni bu, yazılmayan qanundur»….

Bütün tərəfləri dinləməyə hazırıq…
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]