Bizimlə əlaqə | Reklam
BolgeXeber.Com » Bölgə » Imişlinin deputati geri çağirilir

Imişlinin deputati geri çağirilir

29-04-2011, 16:15
Oxunub: 8 408
Bu barədə ADP mətbuat xidmətindən məlumat verilib

Bolgexeber.com verdiyi məlumata görə, 79 saylı İmişli seçki dairəsindən deputat elan olunmuş Əsabil Qasımovun fəaliyyətindən rayonda çox ciddi narazılıqlar var və onun Milli Məclis üzvlüyündən geri çağırılması üçün partiyanın yerli təşkilatı imza toplama kompaniyasına start verib.

Məlumatda daha sonra deyilir: “Əsabil Qasımov seldən zərər çəkən İmişli sakinlərinin hüquqlarının müdafiəsi üçün edilmiş müraciətlərə məhəl qoymur, deputat kimi seçildiyi rayonun əhalisinin problemlərinə biganəlik və saymazyanalıq nümayiş etdirir, parlamentin iclaslarında bir dəfə də olsun rayonun problemlərini qaldırmayıb və ümumiyyətlə deputatlıq fəaliyyəti ilə deyil, yalnız rəhbəri olduğu “Karat MMC”-dəki biznes fəaliyyətinin genişləndirilməsi ilə məşğuldur.”

Xatırladaq ki, bir müddət əvvəl Ə.Qasımovun rəhbərliyi ilə tikilən idman kompleksində fəhlə kimi çalışan və əmək haqqı tələb etdiyinə görə, onun qoçuları tərəfindən döyülən Fariz Həsənovun başına gələnlər rayon əhalisini möhkəm qəzəbləndirmişdi və deputatın geri çağırılması ilə əlaqədar imza toplanmasına bu hadisə stimul verib.

Məlumat müəllifləri daha sonra bildirirlər ki, imza toplama kompaniyasına fəal insanlar, ziyalılar və ictimai siyasi təşkilatlar dəstək vermək fikrindədirlər və kompaniya çərçivəsində on iki min imzanın toplanması planlaşdırılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]