BolgeXeber.Com » Bölgə » Tovuzda ermənilərin atəşi nəticəsində ən çox zərər dəyən kənd müəyyənləşib

Tovuzda ermənilərin atəşi nəticəsində ən çox zərər dəyən kənd müəyyənləşib

23-07-2020, 13:14

Oxunub: 6 220 “Azərbaycan Respublikasının Prezidentinin müvafiq sərəncamının icrası ilə bağlı İşçi Qrup hazırda Tovuz rayonunda Ermənistanın Silahlı Qüvvələrinin atəşi nəticəsində baş vermiş fəsadların aradan qaldırılması ilə bağlı yerlərdə araşdırma işlərini artıq yekunlaşdırıb”.
Bunu açıqlamasında Tovuz Rayon İcra Hakimiyyətinin Memarlıq və tikinti şöbəsinin böyük məsləhətçisi Mübariz Məmmədov deyib.
Onun sözlərinə görə, dəymiş ziyanın qiymətləndirilməsi işləri davam etdirilir: “Rayonun 6 sərhəd - Ağdam, Dondar Quşçu, Əlibəyli, Vahidli, Yuxarı Öysüzlü və Aşağı Öysüzlü kəndlərində dəymiş ziyanın yerlərdə araşdırılması artıq yekunlaşıb. İşçi Qrup bu ziyanın qiymətləndirilməsi ilə məşğuldur. Görülən tədbirlər bir daha onu deməyə əsas verir ki, Azərbaycanda dövlət siyasətinin ana xəttini insan amili təşkil edir. Dövlətimiz hər zaman vətəndaşlarının yanındadır və onların təhlükəsizliyini təmin etmək hüququndadır”.
Tovuz RİH-in rəsmisi bildirib ki, qeyd olunan kəndlər arasında ən çox zərər Dondar Quşçu kəndinə dəyib: “Yuxarı Öysüzlü kəndində 5 yerdə ziyanlar aşkarlanıb. Sahibkarlıq obyektlərində ziyanlar var. Ümumilikdə, 61 təsərrüfat yoxlanılıb və həmin təsərrüfata dəyən ziyanın həddi, dərəcəsi araşdırılır. Bundan əlavə, infrastruktura da ziyan dəyib. Ağır artilleriyadan atılan mərmilər qaz, elektrik xətlərini sıradan çıxarıb”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]