Bizimlə əlaqə | Reklam
BolgeXeber.Com » Bölgə » Qubanın icra hakimi pul yığımına başlayıb

Qubanın icra hakimi pul yığımına başlayıb

30-05-2013, 10:55
Oxunub: 5 114 PA-dakı toplantıdan sonra icra başçısı pul yığımına başlayıb.Quba üsyanının ardından rayona Mingəçevirdən rəhbər kimi transfer edilən Mübariz Ağayevin adı yenidən mətbuatda səslənməyə başlayıb. Deyilənlərdən aydın olur ki, icra başçısının oğlu törətdiyi qəza nəticəsində bir nəfərin ölümünə nədən olsa da, bu hadisə Mübariz Ağayevin «səyi» nəticəsində ört-basdır edilib. Amma məsələ bu deyil.

Rayondakı qaynaqların verdiyi informasiyalardan aydın olur ki, Mübariz Ağayev bir neçə gün əvvəl qarşıdan gələn prezident seçkilərilə əlaqədar rayonun idarə müdirlərinin iştirakı ilə toplantı keçirib: «Toplantıda prezident seçkiləri əsas müzakirə mövzusu olsa da, Mübariz Ağayevin bir hədəfinin olduğu net şəkildə hiss olunurdu».

Mənbəmiz iddia edir ki, Mübariz Ağayev açıq şəkildə idarə müdirlərinin qarşısında seçkilərlə bağlı pul yığımı tələbini də qoyub: «İcra başçısı hətta bunun «yuxarıdan» sifariş edildiyini də iddia edib. Başçı bildirib ki, «onda seçkiləri idarə etmək, yola vermək üçün yetərincə pul yoxdur. Buna görə də «yuxarılar» idarə müdirlərindən və sahibkarlardan pul yığmağa göz yumulacağını deyib»».

dia.az bildirir ki, mənbənin sözlərinə görə, icra başçısının adından toplantıdan sonra bütün idarə müdirlərinə tələb olunan məbləğ barədə informasiya verilib: «Məsələn, yerli idarə müdirlərindən biri (onun adı redaksiyamıza məlumdur -red.) ondan 6 min manatın tələb olunduğunu bildirib. Eyni qaydada digər idarə müdirlərindən və sahibkarlardan da fərqli-fərqli məbləğlər istənilib».

Onu da xatırladaq ki, Mübariz Ağayevin toplantısının bu günlərdə Ramiz Mehdiyevin Prezident Administrasiyasında icra başçıları ilə keçirdiyi toplantının ardından baş tutduğu da söylənilir. Bu isə o deməkdir ki, hələ də ayaqda olan PA şefi köhnə bazara təzə nırx qoymaq istəməyib. Yəni onun təlimatı əsasında yerlərdə seçkilərə ənənəvi tədarük görülməkdədir…
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]