Bizimlə əlaqə | Reklam
BolgeXeber.Com » Bölgə » Daha bir neçə başçı hədəfdədir

Daha bir neçə başçı hədəfdədir

4-06-2013, 13:30
Oxunub: 5 264 Keçən günlərdə adamları mətbuatı hədələyən Ağstafa rayon icra hakimiyyətinin başçısı Məhərrəm Quliyev bu özbaşınalığının bədəlini ödəmək məcburiyyətində qala bilər. Bu barədə hökumət içindəki mənbələr xəbər verib.

Xatırladaq ki, bir neçə gün əvvəl rayon icra başçısı ilə başçının birinci müavini arasında qalmaqallı olayın yaşanması barədə məlumat vermişdik. Bu məsələ ilə bağlı icra hakimiyyətinin mövqeyini öyrənmə cəhdlərimiz isə boşuna çıxmışdı. Amma çox keçmədi ki, Məhərrəm Quliyevin adamları mövqelərini öz mahiyyətlərinə uyğun şəkildə bildirdilər. Əslində özlərinə aid olan ifadələri məktublarında ünvanımıza göndərdilər ki, biz də artıq bu təhqirlərlə bağlı hüquqi araşdırmaların aparılması ilə bağlı müvafiq dövlət qurumlarına müraciət hazırlayırıq.

Daxil olan informasiyada isə qeyd olunur ki, 12 fevral müşavirəsində icra başçılarına xitabən harınlamış məmurlara qarşı sərt siyasətin yürüdüləcəyini bəyan edən dövlət başçısının birbaşa göstərişi ilə bir neçə rayonun icra başçısının fəaliyyəti ilə bağlı araşdırmalara başlanılıb.

Mənbəmiz iddia edir ki, onların sırasında Ağstafa rayon icra hakimiyyətinin başçısı Məhərrəm Quliyev də var. Qeyd edək ki, Məhərrəm Quliyev Ağstafaya 2 il əvvəl təyin olunub. Və bu adamla bağlı araşdırmalar real istiqamətdə aparılarsa, o zaman Məhərrəm Quliyev elə iki ilinin tamamında Ağstafada icra başçısı karyerasını tamamlamaq zorunda qalacaq.

Dia.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]