Bizimlə əlaqə | Reklam
BolgeXeber.Com » Bölgə » İki icra başçısı üz-üzə

İki icra başçısı üz-üzə

7-06-2013, 14:10
Oxunub: 5 653 Zərdabın icra başçısı onun dayısı oğlu Tofiq Abdullayevi vəzifədən azad etdi

Keçən saylarımızda Zərdab Rayon İcra Hakimiyyətinin (RİH) başçısı Lütvəli Babayevin Prezident Administrasiyasına (PA) çağırılması barədə xəbər vermişdik. Yazmışdıq ki, icra başçısı vəzifəsində yol verdiyi ciddi nöqsanlara, həmçinin vətəndaşları incitdiyinə görə, Administrasiya rəhbərliyi tərəfindən tənqidlərə məruz qalıb.
Bakıda eşitdiyi tənqidlərdən sonra rayona qayıdan icra başçısı isə haqqında mətbuata informasiya sızdıran şəxslərin axtarışına çıxıb. Dünən rayondakı mənbələrdən aldığımız məlumatlara görə, icra başçısı aqrar məsələlər üzrə müavini olan Tofiq Abdullayevi tutduğu vəzifədən azad edib. Buna səbəb isə başçının ondan şübhələnməsi olub: «İcra hakimi elə bilib ki, onun barəsində mətbuat orqanlarına bütün məlumatları müavini ötürür.
Bu səbəbdən də təcili qəbul edilmiş qərarla onu işdən çıxarıb». Mənbə həmçinin bildirir ki, işdən xaric edilən müavin Quba Rayon İcra Hakimiyyətinin (RİH) başçısı Mübariz Ağayevin dayısı oğludur: «Qubanın rəhbəri dayısı oğlunun vəzifədə saxlanılması üçün Lütvəli Babayevdən dəfələrlə xahiş edib. Amma Zərdabın başçısı həmkarının çoxsaylı xahişlərinə məhəl qoymayaraq onun yaxın qohumuna qapını göstərib. Deyilənə görə, Qubanın rəhbəri həmkarının bu hərəkətindən bərk əsəbləşib, gec-tez bunun əvəzini ondan çıxacağını bildirib» /gundelik-baku/.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]