Bizimlə əlaqə | Reklam
BolgeXeber.Com » Bölgə » İcra başçısının müavini rayonda ağalıq edir

İcra başçısının müavini rayonda ağalıq edir

24-06-2013, 10:05
Oxunub: 4 364 İcra başçısının birinci müavini qarşısına çıxan və gözünə qəribə görünən adamları sutkalıq həbs elətdirir

Sabirabad rayonundan qəribə xəbərlər gəlməkdədir. Bolgexeber.com bildirir ki,jam.az-ın əldə etdiyi məlumata görə, əsasən də xəbərlər rayon icra başçısının birinci müavini Həsən Həsənovla bağlıdır. Daha doğrusu, onun gördüyü əməllər və etdiyi hərəkətlərdən ibarətdir.

Məlumatlarda bildirilir ki, Həsən Həsənov qısa müddət ərzində iki elə hərəkətə yol verib ki, bu olaylardan sonra əksəriyyət onun psixoloji problemlərinin olduğunu düşünməyə başlayıb. Belə ki, icra başçısının birinci müavini bir-iki gün əvvəl rayonda Poçt küçəsi kimi tanınan küçənin asfaltlanmasına nəzarət edirmiş. Bu zaman uşağı ağır xəstə olan rayon sakinlərdən biri övladını xəstəxanaya aparan zaman bilmədən həmin yeni asfaltın üzərinə çıxmalı olub. Həsən Həsənov da bunu görərək əraziyə polis çağırtdırıb və həmin şəxsin 5 sutka həbs edilməsi barədə tapşırıq verib. Polis də təbii ki, bu tapşırığı icra edib.

Amma icra başçısının birinci müavininin işləri bununla bitməyib. Həsən Həsənov rayonun mərkəzində dolaşarkən onun maşının altına külək zir-zibil gətirib. Bundan bərk qəzəblənən müavin Sanitar-Epidemologiya Stansiyasının rəhbərini çağıraraq ki, küçələrin niyə bu vəziyyətdə olduğunu soruşub. Sonra isə maşınını saxladığı dükanın sahibini 80 manat cərimələtdirib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]