BolgeXeber.Com » Bölgə » Zərdab İcra Hakimiyyətindən ittihamlara cavab

Zərdab İcra Hakimiyyətindən ittihamlara cavab

31-12-2020, 11:20
Oxunub: 576

Vətən müharibəsində yaralanmış, müddətdən artıq həqiqi hərbi xidmət hərbi qulluqçusu Mirzəliyev Roman Aleksandr oğluna heç bir köməklik göstərilməməsi ilə bağlı sosial şəbəkələrdə yayılmış görüntülərə cavab

Bildiririk ki, Roman Mirzəliyev yaralı vəziyyətdə Yevlax RMX-da müalicə olunarkən Səfərbərlik və Hərbi Xidmətə Çağırış üzrə Dövlət Xidmətinin Zərdab bölməsinin əməkdaşları tərəfindən evlərində atası ilə görüş keçirilmiş, problemləri ilə maraqlanılmışdır.
Daha sonra yaralı hərbçi evə buraxıldıqdan sonra Səfərbərlik və Hərbi Xidmətə Çağırış üzrə Dövlət Xidmətinin Zərdab bölməsinin rəis müavini mayor Vüsal Mirzəyevin, bölmənin anbar rəisi, müfəttiş Şamxal Mikayılovun və rayon fəallarının iştirakı ilə ailə ilə görüş keçirilmiş, ailəyə ərzaq yardımı edilmişdir.
09 dekabr 2020-ci il tarixdə isə Rayon İcra Hakimiyyəti başçısının tapşırığı ilə başçının müavini vəzifəsini icra edən Xəyalə Veyisova, şöbə müdiri Ramiz Məmmədov, müdir müavini Murad Həsənov, SHXÇDX-nin Zərdab bölməsinin rəis müavini Vüsal Mirzəyevin iştirakı ilə yenidən ailə ilə görüş keçirilmiş, ərzaq yardımı olunmuşdur. 25 dekabr 2020-ci il tarixdə isə Roman Mirzəliyevin anası və nənəsi Rayon İcra Hakimiyyətində icra hakimiyyətinin başçısı tərəfindən qəbul edilmiş, onları narahat edən məsələlər dinlənilmişdir.
Əlavə olaraq bildiririk ki, yaralının müayinə olunması üçün evlərinə müxtəlif vaxtlarda dəfələrlə Zərdab Rayon Mərkəzi Xəstəxanasında işləyən cərrah həkimlər  - Cabir Əhmədov, Araz Dadaşov, travmatoloq Rusif İsmayılov və tibb bacıları göndərilmişlər. Ailə hazırda da rayon icra hakimiyyətinin nəzarəti altındadır.
 Zərdab Rayon İcra Hakimiyyəti