Bizimlə əlaqə | Reklam
BolgeXeber.Com » Bölgə » Salyanda 31 mart soyqırımı qurbanlarının xatirəsi anılıb

Salyanda 31 mart soyqırımı qurbanlarının xatirəsi anılıb

31-03-2021, 11:55
Oxunub: 4 649 Bu gün erməni daşnaklarının bolşeviklərlə birgə azərbaycanlılara qarşı həyata keçirdiyi soyqırımının ildönümüdür. xatırladır ki, azərbaycanlılara qarşı törədilən soyqırımdan 103 il ötür.
 
Respublikanın bütün bölgələrində olduğu kimi, 31 mart soyqırımı qurbanlarının xatirəsi Salyanda da anılmışdır.
Belə ki, Salyan Rayon İcra Hakimiyyətinin başçısı Sevindik Hətəmov  və rayonun rəhbər şəxləri bu gün “31 Mart soyqırım qurbanlarının xatirəsinə ucaldılmış abidə-kompleksi”ni ziyarət edib, abidənin önünə tər qərənfillər düzüblər.
Xatırladaq ki, 1918-ci il 30 mart və 3 aprel tarixləri arasında Bakıda dinc əhaliyə olmazın divan tutan erməni daşnakları çırkin əməllərini Bakı ətrafı ərazilərdə də davam etdirmiş, dəniz yolu ilə Kür çayının mənsəbinə qədər gəlib çıxan erməni-bolşevik quldur dəstələri o vaxtkı Salyan qəzasında, indiki Salyan və Neftçala rayonlarının ərazisində də  insan ağlına sığmayan soyqırım törətmişlər.
 
Rəsmi mənbələrə əsasən, soyqırımı nəticəsində 12 minə yaxın azərbaycanlı qətlə yetirilib, on minlərlə insan itkin düşüb.
 
Azərbaycan Prezidenti Heydər Əliyevin 26 mart 1998-ci il tarixli Sərəncamı ilə 31 mart Azərbaycanlıların Soyqırımı Günü kimi qeyd olunur.
Üç gün davam edən qırğın zamanı erməni silahlıları bolşeviklərin köməyi ilə azərbaycanlıların yaşadıqları məhəllələrə qəflətən basqınlar etmiş, əhalini uşaqdan böyüyədək qətlə yetirmişdir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]