Bizimlə əlaqə | Reklam
BolgeXeber.Com » Bölgə » İcra Hakimiyyətində əlbəyaxa dava baş verib

İcra Hakimiyyətində əlbəyaxa dava baş verib

15-05-2011, 16:00
Oxunub: 6 806
Ağcabədi rayon İcra Hakimiyyətinin başçısı bibisi oğlu ilə dava edib

Ağcabədi rayon İcra Hakimiyyətinin binasında insident baş verib. Bu barədə Bo0lgexeber.com-a insidentin şahidləri məlumat veriblər. Bildirilir ki, dünən rayonun icra başçısı Şahin Məmmədovun qəbul günü olub və bir sıra rayon sakini ilə bərabər başçının bibisi oğlu İsa Abbasov da qəbula gəlib. Məlumatı verən şəxs bildirir ki, icra başçısı qəbul otağına gələrək acıqla bibisi oğlundan nə üçün onun qəbuluna gəldiyini soruşub. İ. Abbasov isə cavabında bildirib ki, neçə dəfə evinə gedib, amma onunla görüşə bilməyib, telefonlarına cavab vermir, buna görə də camaat kimi qəbula gəlib. Bunun ardınca isə o deyib ki, 6 aydır söz verdiyi insanlar onu narahat edirlər. İ. Abbasov Ş. Məmmədova bildirib ki, bir neçə şəxsdən pul alaraq onların işlə təmin olunması üçün həmin pulu başçıya çatdırıb. Amma bu müddətdə vədə əməl olunmayıb. İ. Abbasov Ş. Məmmədovdan tələb edib ki, ya onları işlə təmin etsin, ya da pullarını qaytarsın. Hadisənin şahidi deyir ki, onların arasında mübahisə yaranıb və bu əlbəyaxa davaya keçib. Qəbula gələn insanlar başçı ilə qohumunu ayıra bilmədiyi üçün polis cağırılıb.

Məlumata görə artıq hadisə ilə bağlı İ. Abbasov prezidentə müraciət edib. O, öz müraciətində icra başçısının korrupsiya ilə məşğul olduğunu vurğulayıb.

Məsələ ilə bağlı informasiyada adıçəkilən tərəflərin hər ikisinin mövqeyini yaymağa hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]