Bizimlə əlaqə | Reklam
BolgeXeber.Com » Bölgə » Ənvər Seyidəliyev yaxın günlərdə vəzifəsini itirəcək?

Ənvər Seyidəliyev yaxın günlərdə vəzifəsini itirəcək?

17-07-2013, 11:45
Oxunub: 5 595 Səlim Müslümovun qohumu görəvdən alınır

Ənvər Seyidəliyevlə bağlı problem iqtidarın diqqətini cəlb edib. 2007-ci ildən Ağsu rayonuna rəhbərlik edən Ənvər Seyidəliyev yaxın günlərdə vəzifəsini itirəcək. Bu barədə xəbər verən hökumət içindəki mənbə iddia edir ki, Ənvər Seyidəliyevlə yanaşı daha 3 rayonda da icra başçısı dəyişikliyi planlaşdırılır.

Xatırladaq ki, Ənvər Seyidəliyev Dövlət Sosial Müdafiə Fondunun prezidenti Səlim Müslümovun qohumudur və Ağsuda son illərdə baş verən özbaşınalıqlardan dolayı baş qaldıran vətəndaş narazılıqları da məhz bu səbəbdən az qala «yuxarılar» tərəfindən qulaqardına vurulur.

Amma son xəbərdən aydın olur ki, Ağsunun növbəti Quba, İsmayıllı olmaması üçün, seçkiqabağı dönəmdə belə bir sürprizlə qarşılaşmamaları üçün hakimiyyət rayon əhalisinin əsəblərini kifayət qədər tarıma çəkmiş Ənvər Seyidəliyevlə yollarını ayırmağı qətiləşdirib.

Bildirək ki, Ənvər Qasım oğlu Seyidəliyev 1950-ci ildə Ağsu rayonunun Pirhəsənli kəndində anadan olmuşdur. Azərbaycanlıdır.
1975-ci ildə Azərbaycan Politexnik İnistitutunu bitirmişdir.
1975-1976-cı illərdə hərbi xidmətdə olmuşdur.
1977-1983-cü illərdə Ağsu rayonunda müxtəlif vəzifələrdə çalışmışdır.
1983-1985-ci illərdə Bakı Ali Partiya Məktəbinin dinləyicisi olmuşdur.
1985-1989-cu illərdə Ağsu rayon partiya komitəsində təlimatıçı vəzifəsində çalışmışdır.
1989-2003-cü illərdə Ağsu rayon Maddi-Texniki Təchizat və Mexanikləşdirmə İstehsalat Birliyinin müdiri vəzifəsində çalışmışdır.
2003-2007-ci illərdə Nəqliyyat Nazirliyi "Azəryolservis" ASC-də idarə rəisi vəzifəsində işləmişdir.
18.12.2007-ci il tarixdə Azərbaycan Respublikası Prezidentinin sərəncamı ilə Ağsu rayon İcra Hakimiyyətinin başçısı vəzifəsinə təyin edilmişdir.
Yeni Azərbaycan Partiyasının üzvüdür.
Ailəlidir, bir oğlu və iki nəvəsi var.
Dia.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]