BolgeXeber.Com » Bölgə » Şəhid Pərviz Tofiq oğlu Balabəyovun 34 yaşı qeyd edildi

Şəhid Pərviz Tofiq oğlu Balabəyovun 34 yaşı qeyd edildi

14-06-2021, 18:37
Oxunub: 1 712 14 iyun 2021-ci il tarixdə Hacıqabul rayon Heydər Əliyev Mərkəzinin bir qrup əməkdaşı II Qarabağ Müharibəsinin ilk hacıqabullu şəhidi Pərviz Tofiq oğlu Balabəyovun 34-cü doğum günü münasibətilə onun ailəsini və məzarını ziyarət etmişlər.
Mərkəzin işçilərinin şəhidin ata yurdunu ziyarəti, şəhər 6 saylı orta məktəbin builki məzunlarının şəhidin ailəsini ziyarəti ilə üst-üstə düşmüş və bu xoş təsadüf xalqımızın öz qəhrəman övladlarına sonsuz məhəbbət və ehtiramının əyani nümayişi olmuşdur.
Mərkəzin əməkdaşları şəhid Pərvizlə bağlı əşyalarla tərtib edilmiş xatirə otağında, eləcə də sonradan doğum günü masası arxasında onun doğmaları – anası, bacı və qardaşı, əmiləri və digərləri ilə görüşmüş, Mərkəzin xatirə hədiyyələrini təqdim etmiş və ətraflı söhbət etmiş, o cümlədən, ailə üzvlərindən yaradılmasına başlanmış Zəfər muzeyi üçün xatirə əşyaları vermələrini və mətbuatda işıqlandırmaq məqsədilə mükəmməl qəhrəmanlıq tarixçəsini hazırlayaraq, təqdim etmələrini xahiş etmişlər.
Daha sonra Mərkəzin işçiləri el məzarlığındakı Şəhidlər Xiyabanında olmuş, oradakı şəhidləri, o cümlədən şəhid Pərviz Tofiq oğlu Balabəyovun məzarını ziyarət etmiş, ruhlarına dualar oxumuşlar.
Allah bütün şəhidlərimizə rəhmət eləsin!
Məhəmməd İsayev,
Hacıqabul rayon Heydər Əliyev Mərkəzinin baş fond mühafizi