Bizimlə əlaqə | Reklam
BolgeXeber.Com » Bölgə » Qubada jurnalist girov götürüldü - Video

Qubada jurnalist girov götürüldü - Video

20-08-2013, 11:45
Oxunub: 5 358 Quba və Xaçmaz rayonlarında qanunsuz işləyən 40-a yaxın ağac emalı sexləri fəaliyyət göstərir.

Xəzər TV və İnteraz televiziyasının əməkdaşları bununla bağlı reportaj hazırlamaq istəyiblər. Sexlərdə istifadə olunan ağacların haradan alınmasını araşdırmaq üçün həmin sexlərin bir neçəsində olublar. Amma qızğın iş gedən ilk baş çəkdikləri müəssisədə sualları cavablandıran olmyıb. Qubanın Alpan kəndindəki yeşik sexində rəhbərlik “iş başında” olsa da, müsahibə əvəzinə jurnalistlərə rüşvət təklif etdi.

Ən maraqlı hadisə Qubanın Zərdabi kəndindəki sexdə baş verib. Sexin gözətçisi əraziyə daxil olan kimi jurnalistləri girov götürərək qapıları bağlayıb. Sonra isə operatora hücum edərək hətta kameranı sındırmağa belə cəhd edib.

Nəhayət Xaçmaz rayonun fəaliyyət göstərən sexlərin birində suala cavab verən olub. Sexin Elvin adlı işçisi ağacların meşədən gətirildiyini bildirib.

ETSN-nin Xaçmazdakı 5 saylı ərazi idarəsindən həmin ağacların haradan gətirilməsi barədə məlumatsız olduqları bildirilib. Əlavə edilib ki, bununla bağlı həmin ağac sexlərində yoxlamalara başlanılacaq.
qafqazinfo
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]