Bizimlə əlaqə | Reklam
BolgeXeber.Com » Bölgə » Lənkəranın icra başçısının şok yeyinti faktı üzə çıxdı

Lənkəranın icra başçısının şok yeyinti faktı üzə çıxdı

28-08-2013, 12:15
Oxunub: 5 533 Lənkəran-Boladi yolunun çəkilməsinə ayrılmış pul icra başçısının cibinə gedib, qalan işləri idarə və müəssisə rəhbərləri görəcək

Hələ bu ilin iyulunda prezident İlham Əliyev Lənkəran rayonuna 2,5 milyon manat pul ayırılmasına dair sərəncam imzalamışdı. Həmin sərəncama əsasən bu vəsait 10-dan artıq kəndi birləşdirəcək Lənkəran-Boladi yolunun yenidən qurulmasına sərf olunmalıydı.

Qeyd olunan 2,5 milyon manat pul əlavə vəsait kimi nəzərdə tutulub. Çünki bundan əvvəl də həmin yolun çəkilməsi üçün büdcədən vəsait ayrılıbmış. Amma Boladi yolunu gedənlər yaxşı bilirlər ki, çəkilən asfalt görüntü üçündür. Çünki yeni çəkilmiş bu yoldakı «yama»ların sayı o qədər çoxdur ki, onun yeni olmasına qətiyyən inanmaq olmur. Üstəlik, keyfiyyətsiz işin ilk nümunəsi də elə yol boyunca diqqəti çəkir.

Bəs, bu qədər vəsait hara yoxa çıxıb? Jam.az-a verilən məlumata görə, prezidentin növbəti dəfə 2,5 milyon manat ayırmasından sonra Lənkəran rayon İcra Hakimiyyətinin başçısı Taleh Qaraşovun sevincinin həddi-hüdudu olmayıb. Hətta iş o yerə çatıb ki, Qaraşov işçiləri ilə ən şit zarafatlara qədər edib. İcra Hakimiyyətindəki mənbə də bildirib ki, icra başçısı pul ayrılandan sonra xeyli məmnun olub və bəri başdan nəzərdə tutduğu şəxsi işləri üçün həmin vəsaitdən istifadə edilməsi üçün hazırlıqlara başlayıb.

Bu azmış kimi, Lənkəran-Boladi yolunun inrşaasının davam etdirilməsi üçün Taleh Qaraşovun çıxardığı oyun isə tamam başqadır. Məlumatlara görə, icra başçısı artıq bütün idarə və müəssisə rəhbərlərini toplayaraq, onlardan pul tələb etməyə başlayıb. Həmin pulu guya, seçki kampaniyası üçün yığdığını deyən icra başçısının əslində, qeyd olunan yolun çəkilməsi üçün vəsait topladığı dəqiqdir. Çünki büdcədən ayrılmış 2,5 milyon manatın aqibətinə çoxdan aydınlıq gətirilib. Və idarə-müəssisə rəhbərləri hesabına inşaat işlərinin davam etdirilməsi qərarlaşdırılıb. Onu da qeyd edək ki,bu qanunsuz əməlləri ilə icra başçısı dolayısı ilə rayon əhalisini Milli Şuraya dəstək olmağa sürükləyir.

P.S. Bu əsnada Taleh Qaraşovun ciddiyyən ciddi şəkildə narahatlıq keçirdiyi və özünə yaxın olan mətbuat orqanlarında təkzib xarakterli yazılar dərc etdirdiyi müşahidə olunur. Bu narahatlıqın səbəbi isə Lənkəranda baş verən özbaşınalıq və korrupsiya hallarının davamlı olaraq tərəfimizdən ictimaiyyətə çatdırmağımızdır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]