Lənkəranda rəzalət -İSTİ-İSTİ
30-08-2013, 21:00
Oxunub: 5 739
İcra Hakimiyyəti və məhkəmənin hakimi rayonda pulla uşaq satırlar Lənkəranda rəzalət dolu hadisə baş verib. JAM.AZ-ın aldığı məlumata görə, bu gün rayon Məhkəməsində keçirilən proses zamanı iki körpə uşaq pul müqabilində anasından alınaraq, atasına verilib.
Məlumatda deyilir ki, proses hakim Fuadın rəhbərliyi altında həyata keçirilib. Məhkəməyə müraciət edən Abbasova familiyalı şəxs həyat yoldaşından boşanması və iki azyaşlı uşaqlarının ona verilməsi ilə bağlı məhkəmə qarşısında iddia qaldırıb. Amma şərti adları G və Ə Abbasovlar (adları bizə məlum olan bu uşaqların birinin 4, digərinin isə 1 yaşı var) olan bu körpələrin analarından alınaraq, atasına verilməsi prosesi yekunlaşıb. Və hakim Lənkəran rayon İcra Hakimiyyətinin Emin adlı əməkdaşları ilə birlikdə uşaqları zorla analarından alaraq, heç bir səbəb göstərmədən atasına veriblər.
Məlumatda vurğulanır ki, Lənkəran rayon İcra Hakimiyyətinin işçisi olan Emin ata Abbasova qəyyumluq haqqında arayış satıb. Bunun müqabilində 1000 manat pul alıb ki, onun da hamısının icra başçısı Taleh Qaraşova çatacağını deyib. Bundan əlavə ata Abbasov Lənkəran Məhkəməsinin hakimi Fuadla da danışıq apararaq, ona 5000 manat pul verib ki, uşaqların ona verilməsi barədə qərar çıxartsın. Hakim də həmin pulu alaraq, bunun yuxarılarla bölüşdürüləcəyini bildirib və qətnamənin onun xeyrinə çıxarıb.
JAM.AZ-a verilən məlumatda deyilir ki, Abbasovlar ailəsində boşanmanın səbəbi gəlinə edilən haqsızlıq olub. Belə ki, 4-5 ildir evli olan ər-arvad iki uşaqları olmasına rəğmən ciddi problemlər yaşayıblar. Xüsusən də gəlin qaynata və qaynananın zülmü ilə üzləşib. Baş verənlərə dözə bilməyən Abbasova sonuncu dəfə ərinin valideynləri tərəfindən döyüldükdən sonra dözməyərək evi tərk etməli olub. 10 gün Bakıda qaldıqdan sonra öz validyenləri ilə əlaqə saxlayıb. Həmin müddətə qədər isə gəlinin ata və anası Lənkəran rayon Polis Şöbəsinə müraciət edərək, qızlarının tapılmasını istəyiblər. Hətta onu da bildiriblər ki, övladlarının öldürülə biləcəyindən narahatdırlar. Təəssüf ki, həm rayon polisi, həm də prokurorluq orqanları işə qeyri-ciddi yanaşıblar.
İddialara görə, hadisə ilə bağlı araşdırma aparan Lənkəran polisi və prokurorluğu gəlinin ərini çağıraraq, ondan külli miqdarda pul alıblar. Bununla da işi ört-basdır ediblər.
Məsələ ilə bağlı araşdırmamız davam edir. Qarşı tərəfin də mövqeyini dərc etməyə hazırıq.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
