Bizimlə əlaqə | Reklam
BolgeXeber.Com » Bölgə » Siyəzən sakinləri sanki Stalin dönəmini yaşayır

Siyəzən sakinləri sanki Stalin dönəmini yaşayır

30-09-2013, 11:00
Oxunub: 4 679 37-ci illərin ab-havası: narazılar şikayətlərini çatdıra bilmir

Redaksiyamıza müraciət edən Siyəzən rayon sakinləri icra başçısı Arif Qasımovun rayonda rəsmən «bespredel» yaratmasından şikayətlənirlər. Xatırladaq ki, bir neçə gün əvvəl ikinci qrup əlil Cəbulla Məmmədovun şikayət məktubunu dərc etmişdik və şikayətçi icra başçısının onu ölümlə təhdid etdiyini iddia edirdi. Bu və digər bu kimi faktlar, həmçinin əldə etdiyimiz son məlumat Siyəzəndə 37-ci illərin ab-havasının hökm sürməsindən xəbər verir.

Narazı vətəndaşların DİA.AZ-a yolladığı məktubda bildirilir ki, Arif Qasımov ondan «yuxarılara» şikayət edənləri gözümçıxdıya salıb:

«İcra başçısı yerli poçtamta, həmçinin rayondakı bütün internet klub sahiblərinə xüsusi olaraq tapşırıq verib ki, ondan və ümumiyyətlə rayonda baş verən hər hansı hadisədən şikayət xarakterli müraciət və məktubların paytaxta, xüsusən də mətbuata göndərilməsinin qarşısı alınsın. Ona görə də siyəzənlilər dərdlərini ölkə rəhbərliyinə çatdırılma imkanlarından məhrum olublar».

Sakinlər bildirir ki, buna görə də narazı olanların tək yolu Bakıya gələn həmyerlilərinin xidmətlərindən istifadə etsinlər: «Bu da problem yaradıb. Keçən həftə başçının adamları yerli sakinlərdən birini sorğu-suala tutublar. Şübhələniblər ki, rayonla bağlı şikayətləri məhz həmin adam Bakıya çatdırır».

Hər halda, bütün bunlar Arif Qasımovun çox böyük təhlükə içində olmasından xəbər verir. Əgər belə deyilsə, nədən icra başçısı şikayətlərin paytaxta çatdırılmasından bu qədər narahatdır?

Qarşı tərəfin də mövqeyini öyrənməyə hazırıq…
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]