Bizimlə əlaqə | Reklam
BolgeXeber.Com » Bölgə » İsmayillida təbii fəlakət: körpülər və yollar dağilib

İsmayillida təbii fəlakət: körpülər və yollar dağilib

14-06-2011, 12:30
Oxunub: 9 603 İsmayıllıda təbii fəlakət baş verib, evlərə, əkin sahələrinə ciddi ziyan dəyib, qaz, içməli su xətləri, körpülər, yollar dağılıb

İsmayıllı rayonuna yağan güclü leysan və dağlardan gələn sel suları 15 kənddə həyatı iflic edib.

Rayon İcra Hakimiyyəti başçısının birinci müavini, fövqəladə hallar komissiyasının sədri Rafael Əhmədov bildirib ki, iyunun 13-ü axşam saatlarından başlayaraq bu gün səhərədək İsmayıllı rayonunun dağlıq və dağətəyi ərazilərində yağan güclü leysan yağışı nəticəsində əmələ gələn sel suları rayonun cənubundakı Qarakollu, Aşıqbayramlı, Kürdmaşı, Şükürçü, Yenikənd, Kəlbənd, Girk, Balik, Enişdibi, Talış və şimalındakı Cülyan, Talıstan, Tircan, Macaxı, Diyallı kəndlərində həyətyanı sahələri sel basıb, 20-yə yaxın evə su dolub, hasarlar, yollar, 10-a yaxın piyada və avtomobil körpüsü dağılıb. İsmayıllı-Macaxı yolu dağılaraq bağlanıb.

Elektrik və rabitə dirəklərinin aşması nəticəsində hazırda kəndlər işıq və telefonsuz qalıb. Rayonun cənubundakı kəndlərin magistral və daxili qaz, içməli su xətlərini sel aparıb. Süni göllər dolaraq daşıb, əkin sahələrini sel basıb.

Hazırda rayon fövqəladə hallar komissiyasının nümayəndələri yağış və seldən ziyan çəkmiş kəndlərdə vətəndaşların müraciətlərinə baxırlar. Ərazilərə ağır texnikalar cəlb edilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]