Oğuzda Ulu Öndərin 100 illik yubileyi ilə əlaqədar tədbir keçirilib

Bolgə.TV xəbər verir ki, Oğuz Rayon Polis Şöbəsində Ulu Öndər Heydər Əliyevin 100 illik yubileyi ilə əlaqədar tədbir keçirilib. Əvvəlcə Ümummilli Liderin və ölkəmizin ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib, daha sonra Dövlət Himni səsləndirilib. 

Tədbirdə çıxış edən rayon polis şöbəsinin rəisi, polis polkovniki Vüqar Əliyev müasir Azərbaycan dövlətinin memarı və qurucusu, görkəmli siyasi xadim Heydər Əliyevin xalqımız qarşısında misilsiz xidmətlərindən, böyük xilaskarlıq missiyasından söz açıb. 

Daha sonra çıxış edənlər Ulu Öndərin bütün fəaliyyəti boyu Azərbaycanın çiçəklənməsi və qüdrətlənməsi yolunda gördüyü işlərdən danışıblar.

Sonda Ümumilli Liderin həyat və fəaliyyətinə həsr olunan film nümayiş etdirilib.