Bizimlə əlaqə | Reklam
BolgeXeber.Com » Bölgə » ŞOK! Əsgər özünü niyə güllələdi?

ŞOK! Əsgər özünü niyə güllələdi?

18-06-2011, 19:10
Oxunub: 7 269 Fikrət Hümbətovun əsgər yoldaşları valideynlərinə şok məlumatlar veriblər

Xəbər verildiyi kimi, bu gün Müdafiə Nazirliyinin Şəmkir hərbi birləşməsinin Qazax rayonu ərazisində yerləşən hərbi hissəsində intihara cəhd faktı qeydə alınıb. Belə ki, sözügedən hərbi hissənin əsgəri Hümbətov Fikrət Rasim oğlu avtomat silahdan çənəsinin altını nişan alaraq atəş açıb. İntihara cəhd edən əsgərin vəziyyətinin ağır olduğu bildirilir.
Lakin həmişə olduğu kimi, hərbi hissə rəhbərliyi və Hərbi Prokurorluğun istintaq qrupunun üzvləri əgsərin özünü niyə vurmasının səbəblərini gizli saxlamaqda maraqlı görünürlər. Hansı ki, ortada əsgəri intihar həddinə çatdıran faktlar var.

Özünü güllə ilə vuran Fikrət Hümbətovun əsgər yoldaşları isə valideynlərinə şok məlumatlar veriblər. Adını çəkilməsini istəməyən əsgər valideyni redaksiyamıza telefon açaraq intiharın ilkin versiyaları barədə maraqlı məlumata malik olduğunu bildirdi. Hadisə baş verəndən sonra digər əsgərlərin valideynləri övladları üçün narahat olmağa başlayıb və hərbi hissə ilə əlaqə saxlamağa çalışıblar. Əsgərlər valideynlərinə hərbi hissədəki vəziyyətin o qədər də yaxşı olmadığını söyləyiblər.

Bolgxeber.com-a daxil olan məlumata görə, əsgərin özünü vurmasının ciddi səbəbləri olub. Belə ki, əsgər Fikrət Hümbətov bir neçə gün ardıcıl olaraq komandir və gizir tərəfindən döyülüb. Bütün bunlarla yanaşı fasiləsiz, istirahətsiz müxtəlif növ «naryad»lara çıxarılıb. Əsgər valideyni bildirir ki, intihar edən Fikrət Hümbətov dəfələrlə döyülüb söyülməsi barədə hərbi hissə komandirinə məruzə etmək istəsə də buna nail ola bilməyib. Dəfələrlə əsgər yoldaşlarına özünü vuracağını deyirmiş.
Qeyd edək ki, Müdafiə Nazirliyi faktı təsdiqləyib. Dəqiq və rəsmi təfərrüatlar isə açıqlanmır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]