İsmayıllıda piyada keçidlərindən keçməyən piyadalar barəsində inzibati tənbeh tədbiri görülüb

İsmayıllıda piyada keçidlərindən keçməyən piyadalar barəsində inzibati tənbeh tədbiri görülüb

İsmayıllı Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində nəqliyyatın axının intensiv olduğu yollarda piyadalarla bağlı nəzarət-profilaktik tədbir keçirilib. 

Daxili İşlər Nazirliyinin Mətbuat Xidmətinin Şəki regional qrupundan Bolgə.TV-yə verilən məlumata görə, keçirilən tədbir zamanı piyada keçidlərindən istifadə etməyən şəxslər müəyyən edilib. Həmin piyadalarla fərdi söhbətlər aparılıb və  bu kimi halların təkcə qanun pozuntusu olmadığını, eyni zamanda həm özləri, həm də digər hərəkət iştirakçılarının həyat və sağlamlığı üçün ciddi təhlükə yaratdığı barədə onlara məlumat veriblər.  Bu səbəbdən piyadalara bir daha yolu piyadalar üçün nəzərdə tutulmayan yerdən keçməmələri barədə xəbərdarlıq edilib, edilən xəbərdarlıqlara məhəl qoymayanlar barəsində isə inzibati tənbeh tədbiri görülüb.