BolgeXeber.Com » Bölgə » Şəki Dövlət Texniki Kollecində dərslərdən çox siyasətə önəm verilir

Şəki Dövlət Texniki Kollecində dərslərdən çox siyasətə önəm verilir

13-11-2013, 14:55

Oxunub: 3 178

Tələbələr müvafiq qurumlara şikayət etməyə hazırlaşırlar

Keçən yazımızda biz redaksiyamıza gələn məktub əsasında Şəki Dövlət Texniki Kollecində baş verən qanunsuz pul yığımı və hatta tələbələrdən yığılan pullar hesabına Kollec direktoru Oxşar Səbiyevin hər il ailəsi ilə birlikdə Türkiyəyə istirahətə getməsindən bəhs etmişdik.Həmin yazıda bildirilirdi ki,kollecdə müxtəlif adlar və bəhanələrlə ayrı-ayrı məbləğlərdə pul yığılır.

Bolgexeber.com bildirir ki,bundan başqa tələbələrin imtahanlarda aldığı əla,yaxşı və orta qiymətlərə uyğun olaraq onlardan ən azı 100 manat yığılması göstərilirdi. Sanki tələbələrin ailələrinin Oxşar müəllimin gözəl həyat tərzini təmin etmək üçün qazanmaları bildirilirdi. Bu yazıdan sonra redaksiyaya kolleclə bağlı daha bir şikayət məktubu daxil olmuşdur.Kollecdəki tələblərdən birinin yazdığı məktubda bildirilir ki,kollecdə keçirilən bir çox dərslərdə bəzi müəllimlər fənnə uyğun olmayan ,dərsdənkənar ,hətta siyasi mövzularda söhbət edirlər,tələbələri bu mövzularda bilgiləndirirlər.

Təbii ki,bu kollecə bilik qazanmağa gələn tələbələrin əksəriyyətinin haqlı narazıçılığına səbəb olur.Mənbə bildirir ki, kollecdəki bəzi müəllimlər keçirilən dərsi tamamilə unudaraq tələbələrlə müxtəlif mövzularda öz şəxsi fikirlərini bölüşməyə üstünlük verirlər və bu kimi hallar davamlı baş verdiyindən tələbələr məsələnin ciddiliyini nəzərə alaraq artıq bununla bağlı müvafiq qurumlara şikayət etmək barəsində düşünürlər.
Qarşı tərəfin də mövqeyini dinləməyə hazırıq.
Bolgexeber.com

Çox Oxunanlar