BolgeXeber.Com » Bölgə » Hacıqabulda birincilik uğrunda savaş başladı

Hacıqabulda birincilik uğrunda savaş başladı

22-11-2013, 12:10

Oxunub: 4 026

İcra başçısı Əhməd Muxtarovla DSMF müdiri Hacıağa Qasımov arasında vəzifə davası start götürüb

Hacıqabulda iki məmur arasında münasibətlər ən kritik həddə çatıb. JAM.AZ-a verilən məlumata görə, Dövlət Sosial Müdafiə Fondunun (DSMF) yerli şöbəsinin müdiri Hacıağa Qasımovun açıq şəkildə icra başçılığı uğrunda mübarizə aparması, qarşı tərəfin heç də ürəyincə olmayıb.

Bildirək ki, Hacıqabulun icra başçısı olmaq uğrunda yarışa əslində, DSMF sədri qoşulmayıb. O, qardaşını bu posta gətirməyə çalışır. Və bu işləri həyata keçirməyi öz üzərinə götürüb. Danışıqların aparılması, hazırkı icra başçısına qarşı kampaniyaların təşkil olunması, Əhməd Muxtarovun yeyintilərinin üstünü açan faktların mətbuatı ötürülməsi və sairə kimi işlər Hacıağa Qasımov tərəfindən həyata keçirilən işlərdir.

Verilən məlumata görə, Hacıqabulun icra başçısı Əhməd Muxtarov məsələdən xəbər tutar-tutmaz Hacıağa Qasımovla görüşməyə cəhd edib. Lakin hələlik indiyə qədər bu görüş baş tutmayıb. Səbəbi isə DSMF sədrinin müxtəlif bəhanələr gətirərək, görüşə gəlməməsidir. Onun bu hərəkətlərindən qəzəblənən icra başçısı da söz verib ki, Hacıağa Qasımovun sonuna çıxmayana kimi ondan əl çəkməyəcək.
Bolgexeber.com

Çox Oxunanlar