BolgeXeber.Com » Bölgə » Mingəçevirdə poçt oyunu

Mingəçevirdə poçt oyunu

27-11-2013, 15:05

Oxunub: 3 048

Şəhər əhalisi 3 gündür işıqsız qalıb, elektrik enerjisi verilişinin dayanması camaatın canını boğazına yığıb

Ölkənin birinci elektrik istehsalçısı olan Mingəçevir şəhəri qaranlığa qərq olub. Daxil olan məlumata görə, şəhərin sakinləri üç gündür işıqsız qalıblar. Məlumatlara görə, buna səbəb şəhərin poçt şöbələrində elektrik borclarının ödənilməsinin mümkün olmamasıdır.

Belə ki, artıq 3 gündür poçt şöbələrində elektrik enerjisinin olmaması səbəbindən kart vasitəsi ilə ödənişlərin edilməsi mümkün deyil. Yaranmış vəziyyətlə bağlı isə sakinlərə isə heç bir açıqlama verilmir. Əksinə, bu məlumatsızlıq üzündən vətəndaşlar gün ərzində 3-4 dəfə şöbələrə baş vuraraq, saatlarla növbədə dayanmalı olurlar. Amma yenə də əliboş dönmək məcburiyyətində qalırlar.

87 yaşlı Şəmistan Yusifov bildirir ki, belə vəziyyət günlərdir davam edir. Ancaq son 3 gündə ümumiyyətlə, poçt şöbəbələrinin bu istiqamətində fəaliyyəti iflic vəziyyətindədir. «Əlil adamam, bu gün artıq 4-cü dəfədir ki, poçta gəlirəm. Bizə konekret cavab verən yoxdur. Evimizdə isə 3 gündür işıq yoxdur. Problemin tez bir zamanda həllini istəyirik».

Çox Oxunanlar