BolgeXeber.Com » Bölgə » Şamaxı Dövlət Sənaye-İqtisad Kollecində “qış hazırlığı” start götürüb

Şamaxı Dövlət Sənaye-İqtisad Kollecində “qış hazırlığı” start götürüb

19-12-2013, 15:00

Oxunub: 4 353

İmtahanlar başladıqca, təhsil müəssisələrindən şikayətlər də çoxalmaqdadır. Redaksiyamızın mailinə ünvanlanan məktubda deyilir ki, orta-ixtisas təhsili verən Şamaxı Dövlət Sənaye-İqtisad Kollecində ciddi qanun pozuntuları mövcuddur.

Kollecə yeni qəbul olunmuş tələbələrin hər birindən, tələbə bileti və qiymət kitabçası verilərkən 100 manat tələb olunur. Bundan başqa dövlət səviyyəsində çap olunmayan, pul qazanmaq məqsədi ilə ara yazarlarının mərhum prezident, Ümummilli Lider Heydər Əliyev və Xocalı soyqırımı haqqında yazdıqları kitablar 20 manatdan tələbələrə satırlar.

Yay-qış sessiyasında isə imtahanların qiyməti “standart”-lara uyğun olaraq, 30-50 manat arasında dəyişır. Bundan başqa yaxın rayonlardan olan tələbələr (Beyləqan, Ağsu, Kürdəmir, Yevlax) 300 manat verərək, “aylığa” çıxırlar. Yəni, dərs davamiyyəti, dərs tədrisi kollecdə əsas götürülmür və tələb olunmur.

O da bldirilir ki, toplanan “töycü” və “vergilər” kollecin direktorunun “büdcə”sinin artırılmasına xidmət edir. Əsas “büdcə artımı” isə yeni ildən sonra başlayacaq “qış imtahanları” ilə başlayacaq.

Çox Oxunanlar