Bizimlə əlaqə | Reklam
BolgeXeber.Com » Bölgə » Şirvanda sahibkarlar yenidən aksiyaya hazırlaşır

Şirvanda sahibkarlar yenidən aksiyaya hazırlaşır

21-01-2014, 08:30
Oxunub: 4 260 Ticarət mərkəzinin rəhbərliyi yer haqqı tariflərini qaldırmaq üçün bir daha təşəbbüs göstərir
Şirvan şəhərində fəaliyyət göstərən "Şirvan" ticarət mərkəzində vəziyyət yenidən gərginləşib. İki ay yarım əvvəl olduğu kimi sahibkarlar yenə yarmarka rəhbərliyinin tələblərindən narazıdırlar və etiraz aksiyasına hazırlaşırlar.

Bu barədə musavat.com-un əməkdaşına məlumat verən mənbənin sözlərinə görə, ötən ilin noyabr ayının əvvəllərində ticarət mərkəzində yer haqqının qaldırılması təşəbbüsü sahibkarların dirənişi üzündən iflasa uğrasa da, hazırda "Şirvan" ticarət mərkəzinin rəhbərliyi yenidən qiymətləri qaldırmağa, sahibkarları sıxışdırmağa çalışır.

Sahibkarlar bildirirlər ki, hazırda düz-əməlli alverləri də yoxdur. Ətraf rayonlarda, Şirvanın özündə xeyli bu cür ticarət mərkəzləri açılıb və hamı evlərinə yaxın yerlərdə alış-veri. edir. Bu üzdən müştərilərimiz azalıb. Buna baxmayaraq, ticarət mərkəzinin rəhbərliyi yer haqqını artıra-artıra gedir. Belə çıxır ki, gün ərzində qazandığımız pulun hamısını bunlara verməliyik, evimizə çörək aparmamalıyıq. Belə zülm və özbaşınalıq olmaz. Boğaza yığılmışıq".

Qeyd edək ki, ötən il noyabrın əvvəlində sahibkarlar aksiya keçirmiş, nəticədə hadisə yerinə Şirvan şəhər İcra Hakimiyyətinin və polis şöbəsinin məsul şəxslər gələrək, ticarət mərkəzinin rəhbəri Hacı Əvəzağanı öz niyyətindən vaz keçirmişdilər.

Görünür, Hacı Əvəzağa iki ay ara verərək, öz planını yenidən həyata keçirməyi üstün tutub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]