Bizimlə əlaqə | Reklam
BolgeXeber.Com » Bölgə » Sumqayıtda doğum evində faciə

Sumqayıtda doğum evində faciə

21-01-2014, 12:25
Oxunub: 4 683 “Ananın vəziyyəti ağır qiymətləndirilir”.

Sumqayıt şəhərində doğuş evində faciə yaşanıb.

Oxu.Az-a daxil olan məlumata görə, Sumqayıt şəhər 2 saylı Doğum evinə hamiləliyin 8-ci ayında olan və kəskin böyrək çatışmazlığından əziyyət çəkən Leyla Mirzəyevə daxil olub.

Həkimlərin səyinə baxmayaraq, körpənin həyatını xilas etmək mümkün olmayıb.

Məsələ ilə bağlı Oxu.Az-a açıqlama verən Sumqayıt şəhər Səhiyyə şöbəsinin əməkdaşı Xalidə Quliyevanın bildirdiyinə görə, yanvarın 16-da Leyla Mirzəyeva şəhərin 2 saylı Doğum evinə müraciət edib.

“Xəstəxanaya gətirilərkən ananın vəziyyəti ağır olub. 8 aylıq hamilə olan qadın kəskin böyrək çatışmazlığından əziyyət çəkirmiş. Doğum evinə daxil olduqdan sonra aparılan müayinə ananın bətnindəki körpənin öldüyünü göstərib. Həkimlərin konsiliumundan sonra xəstənin əməliyyat olması barədə qərar qəbul etmişik. Əməliyyat nəticəsində ölmüş körpə ananın bətnindən çıxarılıb. Hazırda Leyla Mirzəyeva xəstəxanadadır. Onun vəziyyəti ağır qiymətləndirilir”, - deyə, X.Quliyeva qeyd edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]