BolgeXeber.Com » Şou-Biznes » Səbinə Babayeva “Eurovision” tarixində yenilik edəcək

Səbinə Babayeva “Eurovision” tarixində yenilik edəcək

23-05-2012, 11:30

Oxunub: 5 590

Müğənni səhnəyə video proyeksiyası olan orijinal libasda çıxacaq

Azərbaycan təmsilçisi Səbinə Babayevanın “Eurovision 2012”də final çıxışı milli ənənələr, sənət və müasir texnologiyalarla birləşməsini əks etdirəcək. Bolgexeber.com-un məlumatına görə, üç dəqiqəlik çıxışı zamanı Səbinə səhnəyə, “Eurovision” müsabiqəsi səhnəsində ilk dəfə istifadə olunacaq xüsusi texnoloji effektin elementi – səhnə kostyumunda video proyeksiyası olan orijinal libasda çıxacaq.

Vizual xüsusi effektlərlə ən son texnologiyalardan istifadə və Səbinənin mükəmməl vokal göstəriciləri müğənninin müsabiqənin finalında çıxış edəcəyi “When the Music Dies” balladasının süjetini gözəl şəkildə bildirəcək.

Xüsusi avadanlıq Səbinə və onun qrupu tərəfindən “Crystall Hall” səhnəsində 20 may tarixində keçirilmiş ikinci məşqi zamanı ilk dəfə sınaqdan keçirilib.

Azərbaycan musiqisinin ənənələrini və bənzərsiz vokal sənətini Səbinə ilə birlikdə səhnədə əfsanəvi muğam ifaçısı Alim Qasımov da təqdim edəcək. Vokal partiyasını üç bek-vokalçı tamamlayacaq.

Çox Oxunanlar