Bizimlə əlaqə | Reklam
BolgeXeber.Com » Sosial » Kimya müəllimi işləmək istəyənlər üçün imtahan keçiriləcək

Kimya müəllimi işləmək istəyənlər üçün imtahan keçiriləcək

11-08-2011, 16:25
Oxunub: 7 793 Azərbaycanda müəllimlərin işə qəbulu mərkəzləşdirilmiş qaydada, üç mərhələli müsabiqə yolu ilə həyata keçiriləcək və sentyabrın 10-dək başa çatacaq.

Avqustun 12-də Azərbaycanda ümumtəhsil müəssisələrində kimya müəllimi işləmək istəyənlər üçün imtahan keçiriləcək. Bolgexeber-in məlumatına görə, bu barədə cümə axşamı Təhsil Nazirliyindən bildirilib.

Nazirlikdən qeyd edilib ki, daha sonra tarix, biologiya, fizika, riyaziyyat, informatika, coğrafiya, musiqi, təsviri incəsənət, gənclərin çağırışaqədərki hazırlığı, əmək hazırlığı və fiziki tərbiyə fənləri üzrə imtahanlar keçiriləcək.

Azərbaycanda müəllimlərin işə qəbulu mərkəzləşdirilmiş qaydada, üç mərhələli müsabiqə yolu ilə həyata keçiriləcək və sentyabrın 10-dək başa çatacaq.

İyulun 1-dən 15-dək davam edən I mərhələdə ölkə üzrə 2177 vakant yerə 10 min nəfər iddiaçı elektron ərizə verib. İbtidai sinif müəllimi ixtisası üzrə ərizə verənlərin sayı daha çox olub. Bu ixtisas üzrə 110 vakant yerə (23-ü Bakı, digərləri respublikanın rayonları) 1722 nəfər ərizə verib. Eyni zamanda Azərbaycan dili və ədəbiyyatı, riyaziyyat, ingilis dili, kimya, biologiya ixtisasları üzrə də ərizə verənlərin sayı çox olub.

İbtidai sinif müəllimi ixtisası üzrə keçirilən müsabiqənin nəticələrinə əsasən, 77 nəfər işə qəbul olunub.

Avqustun 1-dən isə ingilis dili ixtisası üzrə imtahanlara başlanılıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]