Qar yağacaq

25-10-2011, 16:40

Oxunub: 5 261

Sabahdan başlayaraq Bakı və Abşeron yarımadasında hava şəraitinin qeyri-sabit keçəcəyi, fasilələrlə yağış yağacağı, güclü külək əsəcəyi gözlənilir.

Bu barədə Bolgexeber.com-a Ekologiya və Təbii Sərvətlər Nazirliyi Milli Hidrometeorologiya Departamentindən məlumat verilib.

Bakıda və Abşeron yarımadasında oktyabrın 26-da hava şəraitinin buludlu olacağı, yağış yağacağı, gecə bəzi yerlərdə intensivləşəcəyi ehtimalı var. Güclü şimal-qərb küləyi əsəcək. Havanın temperaturu gündüz 8-13 dərəcə isti təşkil edəcək.

Azərbaycanın rayonlarında oktyabrın 26-da arabir yağış yağacağı, bəzi yerlərdə intensiv olacağı, dağlıq rayonlarda sulu qar, qar yağacağı ehtimalı var. Arabir güclü qərb küləyi əsəcək. Havanın temperaturu gecə 5-10, gündüz 11-16, dağlarda gecə 1-4, gündüz 5-8 dərəcə təşkil edəcək. Yüksək dağlıq ərazilərdə havanın minimal temperaturu 6-11 dərəcə şaxta təşkil edəcək.

Çox Oxunanlar