Bizimlə əlaqə | Reklam
BolgeXeber.Com » Sosial » Həkim həbs edildi

Həkim həbs edildi

26-10-2011, 10:35
Oxunub: 7 024 Mahmud İsmayılovu öz maşınında Aydın Hüseynovdan 550 manat pulu rüşvət kimi alarkən tutulub

Respublika Prokurorluğundan yayılan rəsmi məlumata görə Bakı şəhər sakini Aydın Hüseynov Baş prokuror yanında Korrupsiyaya qarşı mübarizə idarəsinin "161-Qaynar xətt" əlaqə mərkəzinə zəng edərək həkimin ondan rüşvət tələb etdiyini deyib.

Vətəndaş bildirib ki, Azərbaycan Tibb Universitetinin "Uşaq cərrahlığı" kafedrasının assisenti Mahmud İsmayılov ondan qızının cərrahiyyə əməliyyatı üçün 1000 manat istəyib: “Araşdırma zamanı müəyyən edilib ki, Mahmud İsmayılov Bakı sakini Aidə Hüseynovanın üzərində bu il oktyabrın 7-də cərrahiyə əməliyyatı aparıb. Həkim əvəzində də onun atasından 1000 manat tələb edib.
Prokurorluq işçiləri əməliyyat keçirərək oktyabrın 24-də Mahmud İsmayılovu öz maşınında Aydın Hüseynovdan 550 manat pulu rüşvət kimi alarkən tutulub”.

İndi həkim haqqında Cinayət Məcəlləsinin 311.1-ci (rüşvət alma) maddəsi ilə cinayət işi aparılır

Bu ittiham sübuta yetirilsə, həkim üç ilədək müddətə həkimlikdən kənarlaşdırıla, əmlakı müsadirə olunmaqla dörd ildən səkkiz ilədək müddətə azadlıqdan məhrum edilə bilər.

Hələlik həkimin vəkilləri və ya yaxınlarının Respublika Prokurorluğunun bu ittihamları barədə hər hansı reaksiyası məlum deyil.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]