BolgeXeber.Com » Sosial » Azərbaycandan Türkiyəyə yardım karvanı

Azərbaycandan Türkiyəyə yardım karvanı

29-10-2011, 10:55
Oxunub: 3 103 Bakıdan yola çıxan yüklə dolu 40 maşına Naxçıvandan da daha 5 maşın qoşulub

Van əyalətində baş verən zəlzələdən sonra Türkiyəyə ilk yardımını göndərən Azərbaycan zəlzələdən zərər çəkənlərin ehtiyaclarını qarşılamaq üçün yardım kampaniyasını davam etdirir. Bolgexeber.com-un «Zaman» qəzetinə istinadən verdiyi xəbərə görə, Bakıdan yüklə dolu 40 ədəd maşın yola çıxıb.

Qəzetin yazdığına görə, Bakıdan yola çıxan 40 yük maşınında hər biri 24 kv.metr olan 1000 ədəd çadır, 40 generator, 40 mobil səhra mətbəxi və 2000 ədəd isti örtük var. Dünən isə Naxçıvandan yola salınan 4 yük maşını isə Ərzurumdan Vanna yol alıb. Həmin maşınlarda qida məhsulları, isti örtüklər və qış paltarları daşınır.