Bizimlə əlaqə | Reklam
BolgeXeber.Com » Sosial » Həftə sonunda qar yağacaq

Həftə sonunda qar yağacaq

18-11-2011, 12:35
Oxunub: 6 985 İstirahət günlərində ölkə ərazisində havanın yağıntılı, tutqun keçəcəyi proqnozlaşdırılır.

Dağlıq və dağ ətəyi rayonlarda sulu qar, qar yağacaq. Ekologiya və Təbii Sərvətlər Nazirliyinin Milli Hidrometeorologiya və Proqnozlar bürosundan verilən məlumata görə, noyabrın 19-da Bakıda və Abşeron yarımadasında havanın buludlu keçəcəyi, arabir yağış yağacağı, mülayim şimal-qərb küləyinin gündüz cənub-şərq küləyi ilə əvəz olunacağı gözlənilir. Temperatur gecə 4-6, gündüz 6-8 dərəcə təşkil edəcək.
Noyabrın 20-də paytaxtda dəyişkən, buludlu , əsasən yağmursuz hava müşahidə olunacaq, arabir tutulacaq. Gecə və axşam yarımadanın bəzi yerlərində qısamüddətli yağıntılar proqnozlaşdırılır. Cənub küləyi axşama doğru şimal küləyi ilə əvəzlənəcək. Temperatur gecə 3-7, gündüz 7-11 dərəcə olacaq.


Bölgələrdə noyabrın 19-da bəzi yerlərdə yağıntı olacaq, dağlıq və dağətəyi ərazilərdə sulu qar, qar yağacaq. Səhər ayrı-ayrı yerlərdə mülayim qərb küləyi əsəcək. Temperatur Mərkəzi Aranda gecə 0-5 dərəcə isti, gündüz 6-11 dərəcə olacaq. Dağlarda gecə 3-8 şaxta, gündüz 0-5 dərəcə isti, yüksək dağlıq ərazilərdə 12-17 dərəcə şaxta gözlənilir.
Noyabrın 20-də dağlıq və dağ ətəyi ərazilərdə qar yağacaq, gecə və axşam yağıntılı hava şəraiti müşahidə olunacaq. Amma gündüz əsasən yağmursuz hava gözlənilir. Mərkəzi Aranda gecə 0-5 dərəcə, gündüz 6-11 dərəcə isti, dağlarda gecə 3-8 dərəcə şaxta, gündüz 0-5 dərəcə isti gözlənilir.


İstirahət günləri hava şəraiti meteohəssas insanlar üçün əsasən əlverişlidir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]