Bizimlə əlaqə | Reklam
BolgeXeber.Com » Sosial » “Azərişıq” işıq yox, qaranlıq saçdı: ilk qardaca işıqlar söndü

“Azərişıq” işıq yox, qaranlıq saçdı: ilk qardaca işıqlar söndü

21-02-2015, 19:24
Oxunub: 6 831 “Azərişıq” işıq yox, qaranlıq saçdı: ilk qardaca işıqlar söndüBu gün günün ikinci yarısından Bakıda başlayan qar və çovğun paytaxtın elektrik təsərrüfatında da qəzalara səbəb olub

Az əvvəl aldığımız məlumata görə, Suraxanı və Sabunçu rayonlarının qəsəbələrində elektrik enerjisi kəsilib.

Sakinlərin virtualaz.org saytına bildirdiyi kimi xətlərdə əvvəlcə qısaqapanmalar meydana gəlib, daha sonra elektrik enerjisi tam kəsilib. Belə vəziyyət Suraxanı rayonu, Bülbülə qəsəbəsi, S.Əliyev küçəsi massivində, Sabunçu rayonunun bir çox qəsəbələrində yaşanır.

Sakinlərin bu yaxınlarda adı dəyişib “Azərişıq” olan və bütün ölkə boyu elektrik enerjisinin satışı səlahiyyətlərini əldə edən keçmiş “Bakıelektrikşəbəkə”yə qəza barədə məlumat vermək üçün göstərdikləri səylər nəticə vermir. Belə ki, “Azərişıq”ın 199 qaynar xətti zəngləri qəbul etmir, texniki xidmətin də telefonlarına zəng etmək mümkün deyil.

Hazırda evlərin böyük əksəriyyətinin istilik sistemi ilə qızdırıldığı nəzərə alınarsa elektrik enerjisinin kəsilməsi bu ərazilərdə sakinlərin donma təhlükəsi ilə üzləşməsi deməkdir.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]