Bizimlə əlaqə | Reklam
BolgeXeber.Com » Sosial » Daha bir məmur rüşvət alarkən yaxalandı

Daha bir məmur rüşvət alarkən yaxalandı

27-03-2012, 16:10
Oxunub: 6 292 0, 450 manatin güdazina gedib

Azərbaycanda ünvanlı dövlət sosial yardımı təyin olunması üçün rüşvət tələb edən şəxs cinayət başında yaxalanıb. Bu barədə Bolgexeber.com-a Baş Prokurorluğun mətbuat xidmətinin rəhbəri Eldar Sultanov məlumat verib. Məlumatda bildirilir ki, Bakı şəhər sakini Qarifulina Ruhiyə Tofiq qızının Əmək və Əhalinin Sosial Müdafiəsi Nazirliyinin Qaradağ rayon Əmək və Əhalinin Sosial Müdafiəsi Mərkəzinin baş məsləhətçisi Əsədov Şahin Qiyas oğlunun qanunsuz hərəkətləri barədə Baş prokuror yanında Korrupsiyaya qarşı mübarizə idarəsinin “161 - Qaynar xətt” əlaqə mərkəzinə daxil olmuş müraciəti araşdırılıb.

Müəyyən edilib ki, Şahin Əsədov Ruhiyə Qarifulinanın ünvanlı dövlət sosial yardım ayrılması barədə müraciəti əsasında sonuncunun adına sosial yardımın təyini və ödənilməsi üçün ondan 450 manat pul istəyib. Bundan sonra o, həmin puldan hər dəfə 100 manat olmaqla cəmi 200 manat pulu rüşvət kimi almaqla, cinayət əməlini davam etdirərək 16 mart 2012-ci il tarixdə tələb etdiyi məbləğin verilməmiş qalan 250 manat puldan 200 manatını Qaradağ rayon Əmək və Əhalinin Sosial Müdafiəsi Mərkəzinin inzibati binasındakı xidməti otağında rüşvət kimi alarkən cinayət başında yaxalanıb.

Şahin Əsədovun xidməti iş otağına baxış keçirilərkən otaqdan ünvanlı dövlət sosial yardımın alınması üçün nəzərdə tutulan ayrı-ayrı vətəndaşların adlarına olan 100-dən artıq plastik ödəniş kartları, 300-dən artıq plastik ödəniş kartlarına aid məxfi pinkodlar və cinayət təqibi üçün əhəmiyyət kəsb edən digər sənəd və əşyalar aşkar edilərək götürülüb.

Törətdiyi cinayət əməlinə görə Şahin Əsədov barəsində Cinayət Məcəlləsinin 311.1-ci (rüşvət alma) maddəsi ilə cinayət işi başlanıb. Ş.Əsədov təqsirləndirilən şəxs qismində cəlb edilərək ona həmin maddə ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.

Hazırda iş üzrə istintaq davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]