BolgeXeber.Com » Sosial » Bakıda ən çox maaşı bu sahədə çalışan şəxslər alır – 2500 manat

Bakıda ən çox maaşı bu sahədə çalışan şəxslər alır – 2500 manat

16-03-2016, 14:45

Oxunub: 5 336

Paytaxtda 12 min işsiz var

Bakıda ən yüksək orta aylıq maaş mədənçıxarma sənayesindədir və ötən ilin yekunlarına görə bu rəqəm 2 min 540 manat təşkil edib.

Bu barədə Oxu.Az-a Bakı şəhəri Statistika İdarəsindən bildiriblər.

Məlumata görə, paytaxtda ən aşağı maaş isə əhaliyə səhiyyə və sosial xidmətlərin göstərilməsi sahəsindədir və 240 manat təşkil edir.

Ümumilikdə ötən ilin yekunları üzrə paytaxtda 39 min 365 yeni iş yeri açılıb, bunlardan 36 min 765-i daimi olub.

2015-ci ildə Bakıda rəsmi qeydə alınmış işsizlərin sayı isə 12 min 113 nəfərə çatıb.

Paytaxtda 684 min işçinin 114 mini topdan və pərakəndə ticarət, avtomobillərin və motosikletlərin təmiri, 92 min nəfəri təhsil, 62 min nəfəri isə tikinti sahəsində çalışıb, qalanları digər sahələr üzrə bölünür.

Ən yüksək orta aylıq maaşın olduğu mədənçıxarma sənayesində isə 27 min 111 nəfər paytaxt sakini işləyir.

Aylıq orta maaşın 240 manat olduğu əhaliyə səhiyyə və sosial xidmətlərin göstərilməsi sahəsində çalışanların sayı 54 min nəfərə yaxındır.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]