Bizimlə əlaqə | Reklam
BolgeXeber.Com » Sosial » Bakı-Masallı avtobusunda görünməmiş hadisə

Bakı-Masallı avtobusunda görünməmiş hadisə

14-11-2010, 02:00
Oxunub: 8 438
Sürücü yarıyolda sərnişinlərdən əlavə 2 manat tələb edib

Bu gün saat 11:30 radələrində Bakıdan Masallı rayonunda yola düşən sərnişin avtobusunun sürücüsü Lökbatan yolunda maşını saxlayaraq sərnişinlərdən bilet üçün əlavə 2 manat tələb edib. Bu barədə “Bolgexeber”-ə şikayətində sərnişinlərdən biri Həqiqət Sadıqova məlumat verib. Şikayətçinin sözlərinə görə, sərnişinlər 5 manata bilet aldıqları halda, əlavə 2 manat ödəməli olublar.

“Avtobusun sürücüsü və kanduktoru bizi məcbur etdi ki, əlavə 2 manat pul verək. Avtobusda pulu olmayan insanlar da vardı, onları avtobusdan düşürtdülər. Onlardan biri yaşlıq qadın, digər iki nəfər isə kişi idi. Biz də məcbur olub əlavə pul verdik”, - deyə Həqiqət Sadıqova qeyd etdi.

Məsələ ilə bağlı Avtovağzalda fəaliyyət göstərən “M.Trans” şirkətinin iqtisadiyyat və ictimaiyyət şöbəsinin müdiri Mətləb Abidi “Bolgexeber”-ə açıqlamasında hadisənin araşdırılacağını bildirdi.

“Bizim xəttə buraxdığımız avtobuslarda belə hadisə baş verə bilməz. Biz məsələni yenə də dəqiqliyi ilə araşdırarıq. Bu ola bilsin ki, özbaşına xəttə çıxan avtobusda baş versin. Məsələ araşdırılacaq və günahkar mütləq cəzalanacaq”, - deyə Mətləb Abidi vurğuladı
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]