Bizimlə əlaqə | Reklam
BolgeXeber.Com » Sosial » Tikinti şirkətlərinə xəbərdarlıq olundu

Tikinti şirkətlərinə xəbərdarlıq olundu

13-08-2012, 21:35
Oxunub: 6 052 Azərbaycanda isti hava şəraiti ilə əlaqədar asfalt salınması, yol çəkilməsi və üstü açıq tikintilərdə nəzarət gücləndirilib.

Bu barədə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin (DƏMX) rəis müavini Məhərrəm Məhərov bildirib.Onun sözlərinə görə, tikinti işlərində saat 12:00-dan 16:00-dək fasilələr verilməlidir: «Biz həmişə bu barədə əvvəlcədən xəbərdarlıq edirik. Bölgə müfəttişlərinə tapşırıq veririk ki, harada açıq havada iş gedirsə orada nəzarəti gücləndirsinlər.

Asfalt salınan yerlərdə belə havada hökmən işə fasilələr verilməlidir. Çünki asfaltın istisi və günün hərarəti altında belə işləri görmək olmaz. İnşaat işlərini isə kölgədə, üstü örtük yerlərdə davam etdirmək olar. Biz əsasən açıq havada, günəş şüalarının birbaşa təsiri altında tikinti aparılan yerlərdə işləri güclü nəzarətə götürmüşük».
Qeyd edək ki, qanunvericiliyə uyğun olaraq, tikintidə havanın temperaturunun 41 dərəcədən yuxarı olduğu isti və açıq şəraitdə işçilərin işləməsi qadağandır. Belə şəraitdə işə ya fasilə verilməli, ya da tamamilə dayandırılmalıdır.

APA
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]