Bizimlə əlaqə | Reklam
BolgeXeber.Com » Sosial » Azərbaycanda bir gündə 10 nəfər suda boğulub

Azərbaycanda bir gündə 10 nəfər suda boğulub

12-07-2010, 14:45
Oxunub: 8 931 Boğulma faktlarının ikisi Zağulba və Novxanı çimərliklərində, digərləri bölgələrdə qeydə alınıb


Azərbaycanda bir gündə 10 nəfər çimərkən suda boğulublar. Bu barədə “Bolgexeber”e Daxili İşlər Nazirliyinin mətbuat xidmətindən məlumat verilib.

Məlumatda bildirilir ki, iyulun 11-də Cəlilabad rayonunun Göytəpə şəhəri ərazisində Privolnoye kənd sakinləri Fərid Qarayev, qardaşı Nahid və Darılıq kənd sakini Seymur Musayev su anbarında çimərkən boğularaq ölüblər.

İyulun 11-də Nabran qəsəbəsindəki çimərlikdə də ölüm hadisəsi baş verib. Qəsəbə sakini Rəşad Məmmədov suda boğulub. Daha bir suda boğulma faktı Yevlax rayonundakı 11-ci Buxta adlanan ərazidə baş verib. Gəncə şəhər sakini Orxan Musayev Mingəçevir gölündə çimərkən suda boğulub. İyulun 11-də İmişli rayonunun Çaxırlı kəndi ərazisində, rayon sakini Samir Hüseynov göldə çimərkən, Ağsu rayonunun Ərəbmehdibəy kənd sakini Yaşar Səfərov "Şirvan" su kanalında, Samux rayonunun Yenikənd kəndi ərazisində Gəncə şəhər sakini Elşən Həsənov Kür çayında, Binə qəsəbə sakini Xəyal Əzizov Xəzər rayonundakı Zağulba çimərliyində, Sumqayıt şəhər sakini Azad Mikayılov Binəqədi rayonundakı Novxanı çimərliyində çimərkən boğulublar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]