Bizimlə əlaqə | Reklam
BolgeXeber.Com » Sosial » BTƏ-də partlayış baş verib

BTƏ-də partlayış baş verib

4-10-2012, 07:45
Oxunub: 5 003 BOTAŞ-a məlumat verilərək qaz kəsilsə də, kəmərdə qalan qazın axışı uzun müddət davam edib

Bakı-Tiflis-Ərzurum qaz kəmərinin Türkiyənin Qars vilayətindən keçən hissəsində partlayış meydana gəlib. “İhlas” xəbər agentliyinin (İHA) məlumatına görə, hadisə kəmərin Sarıqamış vilayətinə bağlı Yağbasan və Çatak kəndləri arasındakı hissəsində baş verib. Faktla bağlı məlumat verən rayon rəhbəri Turan Ermiş hadisənin yerli vaxtla saat 20.30-da (Bakı vaxtıyla 22.30) meydana gəldiyini, hər hansı bir yanğın hadisəsinin baş vermədiyini deyib.
Turan Ermiş hadisənin hansı səbəblə meydana gəldiyinin bilinmədiyini, ərazinin meşəlik olması səbəbilə hər hansı yanğın ehtimalına qarşı bölgədə təhlükəsizlik tədbirləri görüldüyünü deyib.
Qeyd edək ki, hadisə barədə BOTAŞ-a məlumat verilərək qaz kəsilsə də, kəmərdə qalan qazın axışı uzun müddət davam edib.
Xatırladaq ki, bu il may ayının 29-da Bakı-Tiflis-Ərzurum qaz kəmərinin Qars vilayəti Sarıqamış rayonundan keçən hissəsində partlayış baş vermiş, bu səbəblə meydana gələn yanğının alovu 100 metr hündürlüyə qədər yüksəlmişdi.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]