Bizimlə əlaqə | Reklam
BolgeXeber.Com » Sosial » Azərbaycanda abort qadağan olunacaq

Azərbaycanda abort qadağan olunacaq

18-10-2012, 13:55
Oxunub: 5 608 Selektiv abort həyata keçirən həkimlər cinayət məsuliyyətinə cəlb olunacaqlar

Milli Məclisin Sosial siyasət komitəsinin sədr müavini, deputat Musa Quliyev Trend-ə bildirib ki, komitənin hazırladığı "Reproduktiv sağlamlığın qorunması və ailə planlaşdırılması haqqında" qanun layihəsinə ediləcək əlavədə təbii yolla baş tutan hamiləliyin 3 aylığından sonra uşağın cinsinin müəyyən edilməsi ilə bağlı edilən müayinə və selektiv abortlar qadağan olunacaq.
Onun sözlərinə görə, qanun layihəsinə təklif olunan əlavəyə görə, bu müayinəni aparan həkimlər cinayət məsuliyyətinə cəlb oluna bilərlər.
"Selektiv abortun həyata keçirilməsini valideyn sifariş verir, bu onun arzusu ola bilər. Amma onunla məşğul olan həkimlər var ki, məsuliyyət onların üzərində olmalıdır", - Quliyev deyib.
"Reproduktiv sağlamlığın qorunması və ailə planlaşdırılması haqqında" hazırlanan qanun layihəsində qeyd olunur ki, cins ilə bağlı irsi xəstəliyin keçirilməsi ehtimalının olduğu hallar istisna olmaqla, köməkçi reproduktiv texnologiyaların tətbiqi zamanı uşağın cinsinin planlaşdırılmasına icazə verilmir.
"Bu o deməkdir ki, süni texnologiyaların tətbiqi ilə dünyaya uşaq gəlirsə, həmin uşağın cinsini seçmək olmaz. Dünyanın əksər ölkələrində bu qadağalar var. Şərq, müsəlman mentalitetinə görə, hamı oğlan uşağı arzulayır, ona görə demoqrafik proseslərdə müəyyən əngəllər törəyə bilər", - Quliyev bildirib.
Millət vəkili qeyd edib ki, Sosial siyasət komitəsinin iclasında qanun layihəsinin sonuncu müzakirəsi keçiriləcək və Milli Məclisin plenar iclasına təqdim olunacaq. Quliyev deyib ki, bu qanun qəbul olunandan sonra İnzibati Xətalar və Cinayət məcəllələrinə müvafiq dəyişikliklər də olunacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]