Bizimlə əlaqə | Reklam
BolgeXeber.Com » Sosial » Ali təhsil standartı dəyişdi: 1 kredit neçə saatdır?

Ali təhsil standartı dəyişdi: 1 kredit neçə saatdır?

8-12-2012, 11:45
Oxunub: 59 164 Nazirlər Kabinetinin 2010-cu il 23 aprel tarixli 75 nömrəli qərarı ilə təsdiq edilmiş “Ali təhsil pilləsinin dövlət standartı və proqramı”-nda dəyişikliklər edib.

Dəyişikliyə əsasən tədris planında tədris işinin həcmi kredit vahidləri ilə müəyyənləşdiriləcək və bir kredit 30 saata bərabər sayılacaq.

Dəyişikliyə qədər bir kredit 15 saat auditoriya və 15 saat tələbənin sərbəst işi olmaqla 30 saata bərabər sayılıb.

Digər dəyişikliyə əsasən əyani təhsil forması üzrə tədris ilinin müddəti 40 həftə olacaq. Hər semestr 20 həftədən (o cümlədən 5 həftə imtahan sessiyası) ibarətdir. Qiyabi təhsil forması üzrə isə tədris ili 32 həftədir. Hər semestr 16 həftədən (o cümlədən 1 həftə imtahan sessiyası) ibarətdir və hər semestrə 24 kredit müəyyənləşdirilir.

Nazirlər Kabineti 2010-cu il 24 iyun tarixli 117 nömrəli qərarı ilə təsdiq edilmiş “Bakalavriat təhsilinin məzmunu və təşkili Qaydaları”-nda da dəyişikliklər edib. Tədris planlarında nəzərdə tutulmuş hər bir fənnin tədrisi bir semestrdə başa çatır və imtahanla yekunlaşır (bədən tərbiyəsi fənni istisna olmaqla). Fənlərin adları tədris planlarında təkrarlana bilməz (məsələn, “Fizika” fənni iki semestrdə tədris olunursa, bu fənn ilk semestrdə “Fizika-1”, sonrakı semestrdə isə “Fizika-2” kimi adlandırılmalıdır). İxtisasın (ixtisaslaşmanın) təhsil müddətindən asılı olaraq, tələbələrə bakalavriat səviyyəsində 240-300 kredit (tibb təhsilində 300-360 kredit) müəyyənləşdirilib. Dəyişikliyə qədər isə bakalavriat səviyyəsində tələbələrin topladığı kreditlərin sayı 200-dən az olmamalı idi.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]